شمعة المنتدى التى لاتنطفئ
تاريخ التسجيل: Jan 2004
المشاركات: 4,250
عزيزتي السمو هر ،،،،،
انا اصارع هذي المشكلة حالياً في حياتي مع زوجي وامي .......
حاولت معرفه سبب كره زوجي لامي ووضح لي الاسباب وعددها مع العلم باني ارى 90% من صحه قوله !!!!!!
ولكن مع ذلك لا ابين له بانه هو الصح وامي غلط ، بل ادافع عن امي وابرر موقفها حتى لايزيد الكره في قلبه (((مع العلم بان زوجي كان يمووووت في امي ويوميا يكلمها وتطلع معاه وتقضي مشاويرها ولكن حدث سوء تفاهم وبصراحه عن اتصال هاتفي من وحده وكان موبايل زوجي على الهندفري وفي السيارة مع امي وهذي البنت اطلبت اسم شخص وهو بالحقيقه اسم زوجي !!!!!
امي عاتبت زوجي عتاب حاد وبدون رحمة وسمعته كلام يجرح .. وقالت له : بنتي مو جيكره عشان تدور غيرها وانت ماتسوى ظفر رجلها وهي مادري شلون صابره و و و و ..الخ .
انا اعذر امي لانها في حاله غضب ولان امي تموت فيني ولاترضى علي بالمرة ...
واشكر زوجي اللي مارد على امي بكلمه مش لانه ماعنده رد بس لانه يحبني ومحترمني واكيد احترم امي لانه يعتبرها مثل امه ...
سمعت مبررات زوجي وقال لي : لو كانت صديقتي وامك معاي بحط صوتها على الهندفري !!!!
وسمعني مبررات كثيره ...
والحمدلله زوجي انسان ملتزم و واثقه فيه وعلى اي حال انا مومقصره عليه باي حاجه عشان اشك انه يكلم ....
وسامحته من كل قلبي ............
بس
ولحد اليوم امي و زوجي مايكلمون بعض عشان السالفه ؟؟
حاولت اخليهم يتراضون بس مافيه مجال لان كل واحد يلوم الثاني...
وقررت ان كل واحد بكيفه ولكل حادث حديث وبجيهم يوم وبيتكلمون وبينسون ....
ومع ذلك ماكره كل اهلي بالعكس يكلم اخواني وابوي وخواتي مثل قبل ومافيه اي مشاكل ،،، مع انه بعد المشكلة مباشرة قال لي ما ابغي احتك بأي شخص من اهلك بس انا فهمته ان اهلي مالهم ذنب في اللي صار (((يعني كل وحده وشطارتها)))
وزبـــــــــــــــــــــــــــــــــــــــــــــــ ده الحكي ...
هل في سبب يخلي زوجك يكره اهلك ................؟؟
انا ذكرت لك قصتي عشان اهون عليك وعشان تدرين ان الكل في قلبه هموم ... موبس انتي..
اختك الهنــــــــــــــــــــــــــــــــــــــــــــــ ـــــــــــــــوف