المشاركة الأصلية كتبت بواسطة أم عبد السلام

اختي غلا والله تفاجأت من الي حصل
بس الظاهر اننا نعيش زمن المفاجآت....
انا من رأيي تسوي تمثيلية يعني وانت جالسه معاه تطلبين منه يعطيك جواله وتستأذنين منه بقراءة الرسائل وتشوفين كيف ردة فعله؛ ومن هنا تقيسين اذا رفض وبان عليه الارتباك اسأليه وخليك حازمة وعيونك ماتفارق عيونه .
اما اذا اعطاك الجوال ببساطة اجلسي اقراءي الرسايل واسأليه من صاحب هذه الرسالة ......والباقي من الحوار راح يجي يعني يعتمد على رده.
وحسسيه انك مو غبية ونايمه على اذانك.
وزي ماقالو الاخوات لازم تكون شخصيتك قوية وتدافعين عن حقوقك (اقصد حق الانجاب)
ترى الرجال مالهم امان وممكن ببساطة يتخلون عن ازواجهم وتهون عليهم العشرة فما بال اذا كانت الوحدة ماعندها عيال يكونون لها عزوة وسند..
واعتقد ان السنين الي مضت من عمرك ماهي قليلة ووصلت لعمر يكون الانجاب فيه قد يعتريه بعض المشاكل والصعوبات..
اكرر....لاتتخلين عن حقوقك واقطعي الشك باليقين وبادري لفتح الموضوع معه بالطريقة الي قلت لك
صدقيني هذا هو اسلوبي مع زوجي ماأترك اي علامة استفاهم تدور برأسي تمكث طويلا حتى اجد لها جوابا عن طريق الصراحة وبكذا ارتاح حتى لو كانت الحقبقة مرررة بس المهم ريحت راسي من الشكوك والخوف.

اللهم اني اسألك في هذه الساعة المباركة ان تفرج هم اختي غلا وترزقها الذرية الصالحة
ياعزيز ياحي ياقيوم ........

نصيحة اختي غلا..
انا ارى انك متعلقة بزوجك كثيرا لحد الافتتان به وهذا أمر لايصح لأنه يقيد حريتك ويذيب شخصيتك ويجعلك تتنازلين عن اكبر حقوقك- والذي من اجله شرع الزواج- تحت مسمى الحب فرجائي حاولي عدم التعلق الكبير بزوجك ورددي دائما هذا الدعاء:
اللهم لاتجعل زوجي اكبر همي ولا مبلغ علمي