فيه شغله غريبه صراحه
الموضوع كاتبته تشجب هذه التصرفات فجائت اغلب الردود تشجب
وفي موضوع مشابه كانت الكاتبه او الكاتب يمدح الحركه فجائت اغلب الردود تمدح حتى من كتب الموضوع ماني فاكره مين اللي كتب صراحه
عموما
لو كل واحد يطلع ويتسوق ويخلي عيونه في شغله ماكان طلع رأي يستنكر مثل هذي الحركه اللي اشوفها قمة البرائه بين الزوجين...
اجل لما نشوف زوج يفتح باب محل لزوجته هذي قلة ادب؟
ولما نشوف زوج يقدم زوجته عليه ويخليها تدخل قبله للمكان بل ويحط يده على كتفها علشان يحسسها بأنها اول من يدخل هذي قلة ادب؟
ولما نشوف زوج يضحك مع زوجته عيب؟
( انا شفت حلقة طاش ما طاش اللي تهزأت فيها الهيئه اعزها الله...ما الوم الممثلين انهم سووا الحلقه ...لأنهم ما سووها الا لما سمعوا افكار عقيمه مثل اللي هنا...فيه مشهد شافوا زوج وزوجته طالعين من مطعم ويضحكون فشكوا فيهم انه واحد مطلع بنت معاه...والله حرام هالافكار...الاسلام ابدا مو بهذي الجلافه والرسول عليه الصلاة والسلام يكفي كمثال)
اجل يا جماعه نطلع نتهاوش علشان لا احد يزعل؟
والا نمشي ورا ازواجنا بأمتار ( على قولة زوجي...لما تمشين وراي ولو بخطوه احس اني راعي يجر غنمه وراه)...اغلب الازواج ما يحبون زوجاتهم وراهم بل جنبهم...ولا اقصد التمايع ولفت الانظار..بس مادام الزوج وزوجته محترمين حالهم اذن على الكل احترامهم وعدم استنكار اي شي يبدر منهم...وليه اصلا تدققين في تصرفاتهم...صدق من قال من راقب الناس مات هما ...وانا ازيد كمدا وحزنا وغيظا وقهرا...
والحب موجود في جميع الاماكن والازمنه...
حركة مسكة اليد اتجاوزها احيانا ونصير انا وزوجي متماسكين حتى بالكتوف...شي عادي
لأن اللي نشوفه هالايام يخوف من بنات ما يخافون الله ...تغازل زوجي وقدامي...لا حبيبتي خليني اشبط والصق فيه ولا اخلي وحده تلف عليه...
والله اخر زمن...