عام جديد.. وان شاءالله خير علينا يابنات قسمي:)
السلام عليكم ورحمة الله وبركاته
من زمان ماكتبت بقسمي الحبيب..
بصراحة جاءتني مشاعر غريبة مع دخول العام الجديد
في بداية دخولي للمنتدى أتذكر مرة كتبت بيدخل عام 1427 وانا في بيت أهلي
وخلص الآن وانا في بيتهم بعد
والحمدالله على كل حال.. والله يخليهم لي
أنا متفائلة خير ان شاءالله وحتى انتم بنات لابد تتفائلون.. وكل موقف مؤلم مر علينا
إن شاءالله نؤجر عليه والصبر اللي صبرناه راح نؤجر عليه بعد..<<الحمدالله وش نبغى أكثر من كذا كسبنا الأجر عند الله سبحانه
ان شاءالله هالسنة تكون غير علينا جميعا وربي يرزقنا ويفرجها علينا
نحاول نتغير من الداخل ونسعد أنفسنا بأي طريقة كانت.. نجدد انفسنا داخليا وخارجيا نحسن نفسياتنا ونشغل أوقات فراغنا بما يفيد ..
الفراغ عذاااااب اسألوني عنه لما تجي الإجازة ابليس على راسي يحوم حسبي الله عليه
اللي عندها مواهب تحاول تبرزها وتستغلها..والمتوظفة اكيد انها منشغلة بشغلها
وخارجيا نهتم بالأناقة ونتجدد نغير حتى طريقة اللبس والشعر والعطورات <<والله التجديد يعطي شعور بالسعادة
ونبذل بالأسباب بعد.. الظاهر آخرتنا بنروح ندور على أزواجنا
وأهم شي نتوكل على الله
مع دخول العام الجديد اتمنى لكم جميعا حياة مشرقة وسعيدة ودوام الصحة والعافية
والله يرزقني ويرزقكم يالغاليات وبنات المسلمين الأزواج الصالحين