السلام عليكم ورحمه الله وبركاته


اتخيلوا يوم الاثنين 5/12 رحت لمراجعت الحمل وكان رقمى 13 ودخلت رقم 10 وفجاه تخرج الدكتوره تنادى دكتوره تانيه اااااااااااخ وبعد شوى نسمع صريخ هاه ايوه صريخ ماقدرت اتحمله بكيت بكيت مع صاحبه الصراخ هذا لانه فعلا باين انها بتموت من الالم قمت انا ورحت مكان تانى عشان لااسمع ولا اشوف ايش الى بيحصل ويقابلنى زوجى يقلى هاه خلصتى قلت لا قالى اشبك لانه باين على انى بكيت وعلى مابأقله انه الى قبلى دخلت وباينلها ولاده جلست ابكى تانى المهم هديت نفسى ورحت جلست فى مكان الانتظار وجا دورى ودخلت ولمن تقيس الضغطت وتلاقيه عالى المهم من غير دخول فى التفاصيل كتبتلى الدكتوره دخول وتانى يوم ولاده قيصريه قلت طيب بس ابغى اروح اجمع اغراضى وانا اصلا مجهزه شنطه المستشفى لاكنى رحت اشوف ولدى المهم لمن شفته فرطت بكا يقولولى اخواتى خلاص ايش فيه فين تاركته انتى وجلست اقلهم انتبهوا عليه ..........الخ ودموعى مهى راضيه توقف اول مره ينام بعيد عن حضنى زوجى يقلى اشبك تبكى خير اول مره تروحى تولدى قلت انت منت ام عشان تحس ولدى ولدى وابكى حتى ولدى مندهش من بكايا اااااااه الحمد لله رحت اتنومت فى المستشفى وتانى يوم الصباح عملت العمليه واول مافقت وارتحت جلست اطلب ولدى مادخلوه الا باالقوه وشق الانفس تخيلوا ولدى كان تعبانه وحالته حاله ويبكى ويبكى ومايبغى يطالع فى وجههى قلت انا شر نوم لاكنه مهو راضى يجى ينام عندى اخذته اختى ونومته تانى يوم برضوا قلت لهم جيبوه ودخلوه زى مادخلتوه امس وربى سخر لى ولد خالتى دخله لى الولد مايبغانى مايبغى يطالع فى وجهى والله لو انى جدر كان عبرنى اناديه ياانس ياتوته ياعمرى يا يا مافى طبعا انا تعبانه وهو زود تعبى خلانى سرت معصبه وحطيت حرى فى اخواتى المساكين طبعا هو صابرين وساكتين عشان عارفين الوالده تكون مكتئبه وحالتها حاله وغير تعلقى بولدى وتعلقه فيا وماقدرت جلست ابكى وابكى ليش يعاقبنى شى مو بيدى هذا وانا مجهزته نفسيا لاستقبال النونو وهيك لاكن مافى فايده
وثالث يوم نفس الشى وانا كل يوم اقول لزوجى خلاص طلعنى انا تعبانه طبعا لمن راح يكلمهم عشان يطلعنى قالولوه على مسؤليتك لسى باقيلها كم جرعه ابر لازم تاخدها وصبرت واتحملت الين خرجت اول ماجيت طبعا هو كان فوق على ماينزلوه دخلت اغير ملابسى و و ولمن نزل قالت له اختى يلا شوف ماما دحين تخرج قال هاه ماما ولمن شافنى طالع فيا بربع عين مو بنص وكان يبغى يجرى يروح ورجع تانى وضمنى بقووووووووه وقال ماما ماما وضربنى ونزل من حضنى والحمد لله زى مااتوقعت رجعتى للبيت راح تريحه نفسيا وراح ترجع علاقته فيا


ايش رايكم فى عقابه ليا

والله انه كان صعب مررررررررررره مررررررررررره

لاكن الان الحمد لله رجعت علاقته فيا زى اول لاكن مرررره غدار مع اخته ساعه يحبها ويبغاها وساعه يدفها ومايبغاها ولو نغفل عنه ياحرام ايش الى يسير فيها منه



ادعولى ان ربى يتتم لى بالعافيه ويخاوى بينهم

اتمنى انى مااكون طولت عليكم وزودت القر قر عليكم

لكم فائق احترامى