ويمكن تقترحون أكلم أهلها!!!
حل معقول لكن أهلها أصلا عارفين بحالها ومن قبل ما أخطبها كانوا يحاولون يعدلونها بس لا حياة لمن تنادي!!
ويمكن تشجعوني وتقولون لي تزوج عليها ،
هذا اللي الحين على بالي ، بس أنا قاعد أنتظر لين ما تتخرج من الكلية بعد كم شهر وبعدها على طول يا باطلقها أو بأعرس عليها لأني بصراحة ما أعتقد أني بأقدر أعدل بين الثنتين أو يصير عندي الوقت الكافي.
السبب اللي يخليني أنتظر لين تتخرج مو لأني عندي أمل أنها تعتدل ....لا و ألف لا ، أملي فيها من زمان طار ، لكن لأني ما أبغى نفسيتها تعتفس وبعدين ترسب في الكلية وأكون أنا السبب ، لأني لو طلقتها قد تظل في بيت أبوها وبعدين يمكن تفكر تشتغل ( مع انها الآن ليست مؤيدة جدا لفكرة العمل).
ويمكن تقولون لي أصبر يمكن زوجتك الثانية تطلع أسواء من هذي
.................مستحــــــــيل أو خلني أقول أحتمالية صعبة جدا ان أطيح وحدة أسوء من اللي عندي الحين .....على الأقل من النواحي اللي أنا ذكرتها
قد تتسألون هل صارحتها بكل هالمشاكل ؟
أصبحت كالأسطوانة المشروخة
وقبل ما تعطوني أية حلول، ارجوا أن تقرون اللي كتبته عدل لأني حاولت معاها كل شي من الكلمة الحلوة الى التهديد بالزواج.