~ أبغى اعترف لكم بشي ~ بس تكفووون بدون تجريح
السلام عليكم أخواني اللذين لم تلدهم أمي ...
والله ما أدري ايش اقول بس لازم اصارحكم واقول لكم اللي في خاطري يمكن اجد الحل بايديكم ...
ابعترف لكم اني وقعت في مشكله وهي انني تعرفت على رجل من شهر فقط عن طريق احد المنتديات حيث كان يراسلني بالخاص ويبدي اعجابه بي وبمشاركاتي وشوي شوي طلب مني ان اضيفه عندي في الماسنجر لنتناقش في أمور عامه ونتبادل وجهات النظر واضفته واصبحنا نتحدث في الماسنجر بشكل يومي لساعات طويله قال لي كلام عمري ماسمعته من أحد أتاري فيه كلام حلو ينقال وأنا محرووومه منه ومن اقرب الناس لي زوجي...
وزوجي المصون هو السبب نعم هو السبب ياما وياما ترجيته يقول لي كلمه حلوه وبغروره وكبريائه ورجولته المصطنعه حرمني من ابسط حقوقي وهي "الكلمه الحلوه" ...
لاتفكروا اني سعيده بهذا الشيء اللي أنا سويته والله اني اتقطع من داخلي عرفت ان فيه كلام حلووو ينقال وأنا محرومه منه ارتكبت خطأ والسبب الانتقام وأنا عارفه ان هذا الشي مو في صالحي وراح يكون على راسي كرهت نفسي واستحقرتها كيف سمحت لشخص لعوب انه يلعب بمشاعري واحاسيسي...
أنا محتاااره من الأشياء اللي تصير فيني معقوله كل هذا بسبب رجل ؟؟؟؟؟
أبغى حل أنا عارفه اني غلطانه ومخطيه وأنا مو راضيه على هذا التصرف اللي جالسه اسويه بس ما ادري كيف صار !!!!!!
تكفوووووون لاتهاجموني ولاتجرحوني في ردودكم أنا اللي فيني يكفيني أقرأوا مواضيعي في هذا المنتدى في هذا القسم وانتم تعرفون قد ايش أنا أعاني من الجفا والحرمان ...
اللي عنده حل يتكلم واللي ماعنده حل يدعي لي بدون هجوم أنا عارفه انه خطأ ..
__________________
لا اله الا انت سبحانك اني كنت من الظالمين
التعديل الأخير تم بواسطة &دلوعة مودي& ; 22-01-2007 الساعة 05:44 AM