بعد التحية والسلام
انا عندي جاره اقلقتني بمعنى الكلمة تبغى تجيني بأي وقت تكون هي فاضية وهي طبعا فاضية بكل الاوقات اولادها كبار وزوجها سامحلها بالخرجات على كيفها
انا زوجة ثانية وعندي نظامي اللي رسمته لنفسي وماشيه عليه اللي هو اليوم اللي يكون زوجي في بيته الثاني اغسل واكنس وامسح واتفرغ لتعليم اولادي واليوم اللي يكون عندي زوجي اتفرغ له مااستقبل مكالمات غير ضرورية ولااخرج ولااعزم احد لكن سكنت بجنبي هذي الجاره وادوشتني كل شوي اتصال او ماادري اللي هي ترن الجرس اما وقت ظهريه اونص الليل لاوالشكله السواليف كلام فاضي وسخيف طبعا انا جلست معها كذا مره وعرفت انها انسانة سلوكها تعبان وغير محترمه حاولت المح لها اني مشغولة وماعندي وقت للزيارات قالت بكل تفاهة انا اساعدك تبيني اخليها تغسل ثياب زوجي واولادي انا بصراحه انسانة احب احافظ على خصوصياتي وهي تتدخل باللي مالها فيه ومايردها الا اخر البيت ومره زارتني وانا عندي ضيوف طبعا بدون مااعزمها شمت الريحة وجات تتعرف انشغلت شوي بالمطبخ طلعت لقيتها متسمره قدام الشباك يعني بتجيب لي الشبهه انا بصراحه متورطه فيها ليتني مادخلتها بيتي من الاساس احيانا اقول بطردها لكن محترمه حق الجيره واقول ماهي حلوه بحق نفسي تصورو اذا اتصلت مارديت تجي تدق الباب وتسبني في بيتي يعني تمزح الحين
والله لو الاغراض اللي اطلبها من السوبر ماركت حافظتها واي شي يشتريه زوجي تعرفة قبل ماتدخل علي شكلها طول الوقت جالسة تتلصص علي ماعندها شغله الا الجيران طبعا احنا بعماره وكل الشقق يعرفونها وانا اعرف كم وحدة من الجارات وكلهم مايبونها تزورهم لكن انا اللي تورطت فيها لان بابها لازق في بابها
الله يرحم والديكم شيرو علي اللي مثل هالاشكال كيف الواحد يتعامل معهم

__________________