والله العظيم انك انسان نادر بس احس انك نوعا مابارد في ردة فعلك يعني احس 10 ايام كثير؟
انا بنت اخوي طحت عليها تكلم تخيلي منو راعي المطعم وهي وزنها ثقيل عمرها 17او نص 16مااذكر فا من كثر ماتطلب منه اكل تعلقت فيه !!
تفاصيل الحادثة مو مهمه المهم تحطت عليها تكلمه بالموبايل وعطيته كفين كبروا خددودها دبيلين اكثر ماهي كبيرة من قبل !!
ومن عقبها سحبت الموبايل منها على ان احترقت الشريحه وماشابه وطبعا كتمت السالفه وحادثتها بعد يوم ودموع وحالتها حاله وقعدت فترة البنت العاجل المؤدبه بس للاسف كررتها مرة ثانيه وسلمتها لاخوي يتصرف معاها وصار الي صار !!!!!!
الزبدة انهم مراهقات لازم يمرون على هالشيء اذا كان عندها وقت فراغ ......
انا وللـــــــــــــــــــــــــــه الحمد ابوي مستحيل يخلينا نقعد بوقت فراغ يسفرنا ويودينا معرض الكتاب يشركنا بنوادي تثقيفيه حلقات تحفيظ دورات يقعد معانا يغطيني هو بنفسه اذا نمنا
تخيل انا الحين 21 ومملكه هو يجيني قبل لاانام اذا تاخر وماشفته
ويقول :شعولتي نامت قبل لاتسولف علي !!والله هالكلمة لها صـــــــــــــــــــــــــــدى كبير عندي احبه احبه اموت فيه ولا يمكن ابداا اسوي شيء يغضبة فديته) <<<طلعت شوي اسفه
اي اقولك وبعدين يسولف علي ويغطيني ويطلع صدقني هذي الحلقة المفقوده الي يدور عليها امثالك
والشيء الثاني اخواني طبيبن وسوالفهم كلها عندي وسوالفي كلها عندهم بكل صغيره وكبيرة (الا الي نخجل منها طبعا) !!
الزبدة زيدوا عليها جرعة الحنان والعطف والحب عشان تغطون النقص الي فيها والفراغ......
والله يستر على بنات الجميع ويفقهم
ولاتشوفها في بناتك او اختك مرة ثانية
والله يعين الجميع