اختي زهره الخريف
جزاك الله خير الجزاء على الرد والمساعده
وبصراحه أنا اشغل سورة البقره باستمرار في البيت وبالذات بغرفة نومي وودي اقراها بس سبحان الله الملل والكسل اللي فيني يخليني اكسل اقراها
رغم اني كنت اداوم على قراءه القران واختمه و كنت اقرا القرآن واختمه ولو كل شهرين او ثلاثه المهم اقراه واستغل اي وقت فراغ حتى لو كنت بموعد في المستشفى لي او لعيالي اقرا القران لين يجي دوري وماحب اضيع وقت بدون قراءة قرآن او ذكر لله بس اللحين اقعد بالساعات ساكته ولا اتكلم ومالي نفس افتح قران والا اقرا اذكار اصلا مالي نفس حتى احرك لساني !!
تقولين صايمه من الكلام وماودي احرك لساني ولو بذكر الله وقبل حالة الملل بديت احفظ سورة البقره وحفظت منها صفحتين بس بعدها جاتني حالة الملل والكسل
ماقول الا اللهم اني اعوذ بك من الهم والغم والكسل والملل بعد
وجزاك الله كل خير على الدعاءولك بالمثل
.................................................. ......
اخي remany
بإذن الله سأحاول ان اقرأ سورة البقرة واداوم عليها رغم اني ماحس عندي وقت !!
وبإذن الله بداوم على الاستغفار فهو اسهل بكثير من قراءة القران واقدر اقوله عن غيب وبدون مامسك شي بيدي ولا اركز عيني على الكلمات مثل القران ( تخيلت شلون اقيس الامور فكل شي اقيسه بانه بيخليني ابذل مجهود ولو بسيط فهو في نفسي يقيدني ويجيب لي الزهق والملل وضيقة النفس ويخليني اهون اقوم فيه)
والحمدالله على كل نعم الله واولها الصحه
وجزاك الله خير على الدعاء ولك بالمثل
.................................................. ......
اختي الكريمه الحنين_500
قلتي ((لاتستسلمي لما انتي فيه)) تدرين وانا اقولج اني احس اني تعبت من كل شي وودي افارق هالدنيا ولو لا ان عندي أطفال صغار اخاف عليهم من بعدي لدعيت باستمرار ان الله ياخذ امانته ويفكني من هالحياه اللي احس اني ماعدت اتحملها
بالنسبه للشيخ ليش اروح له يقرا علي ؟؟ انا اصلا اقرا الاذكار والتحصينات
وحتى لو في شي انا اللي راح اقرا على نفسي !!
مستحيل اروح لشيخ يقرا علي !!
ادري بروح بمحرم بس ماتخيل نفسي اسوي هالشي مستحيل !! نفسي تعز علي اخلي رجال يقرا علي ولو كان شيخ دين وبوجود محرم انا ماقبلها لنفسي ومستحيل اسويها ولو على موتي !!
بس يا اختي اذا انتي حاسه اني احتاج لقرايه ياليت تقولين لي شلون اقرا على نفسي يعني وش هي سور الرقيه والادعيه اذا كنتي تعارفين عنها شي انتي او غيرج
اما الوظيفه يالغاليه ماودي اسوي لخاطرها اي شي خلاص قرار اتخذته وبدون رجعه وماقدر اصلي لخاطرها صلاة استخاره انا اكرها وماتحملها وماودي اسمع سيرتها واتمنى في الشغل انهم ماينتظرون مني اني اداوم ويفصلوني علشان انتهي من هالموضوع تماما ومايربطني فيه اي علاقه لأن مجرد تفكيري في الوظيفيه يخليني اختنق وماقدر اتنفس وهالشعور اللحين احسه لانج ذكرتيها لي فياليت ماتذكرون لي موضوع الوظيفه رحمة بي
واشكرك جداً عزيزتي الغاليه على محاولة مساعدتي ولك مني جزيل الشكر والامتنان
__________________
.................. رفقاً بالقوارير .....................