السلام عليكم ورحمة الله وبركاته حبيت اكتب لكم هالقصه اللي او بمعنى اصح هالجريمه البشعه واقسم لكم بربي انها حصلت بديرتنا والغرض منها اني احذر اولياء الامور وانبههم عن امور تكون غايبه عنهم او ماتخطر ببالهم ولايتوقعونها في يوم من الايام وحده من الاخواتكانت جالسه بالسياره بموقف احدى المجمعات التجاريه عندنا تنتظر زوجها لين يجيب لها غرض وكانوا بالموقف الخلفي للمجمع وكانت هالسالفه بالليل وفجاءه وقفت سياره ونزلت منها حرمه ومعها بنت صغيره مايتعدى عمرها اربع سنوات بس الام امنعتها انها تنزل معها وقالت لها شوي وبرجع لك هو محل واحد بس والبنت تبكي تبي تنزل وهالحرمه تراقب من سيارتها وفعلن نزلت الحرمه وخلت البنت مع السايق بالسياره وهالحرمه تراقب وفجاءه الا هالحرمه تشوف السايق نازل من الباب الخلفي للسياره وكان يسكر الله يعزكم سحاب بنطلونه فشكت الحرمه بالوضع ولما طلعت ام البنت راحت لها وكلمتها وقالت لها ترا انا شفت كذا وكذا والحرمه ذيك ماصدقت طبعا قالت السايق ذا عندنا من زمان وهو شايب ومصلي وخايف ربه قالت لها الحرمه اتقي الله في بنتك وبعدين مافيها شي لو رحتي المستشفى وفحصتي البنت وعطتها رقم جوالها وقالت لها استحفلك بالله اذا اخذتي بنتك للدكتور طمنيني عليها وش صار معكم وفعلن تقول اتصلت عليها ام البنت تبكي وميته قهر وحسره تقول اتضح بعد الكشف على البنت انها فاقده عذريتها وفي اثار من المني وان السايق هو الجاني وانه بالشرطه الحين يالله وربي من سمعت هالقصه قلبي يعورني على هالاطفال الابرياء وميته قهر على اهمال اولياءالامور اتمنى من كل واحد او وحده يدش ويشوف هالقصه انه يتحمل بعياله فهم امانه وربي حرام هاللي يصير ولاحد يقول فيه امان والا طمئنان ترا الشيطان حي مامات وماقلتها الا للعبره والعظه واقسم لكم انه حصلت فعلن عندنا والسالفه صارت حديث الديره واسئل الله انه يستر على المؤمنيين والمؤمنات