عزيزتي كان الله في العون كلنا لازم تمر علينا مثل هالايام سواء عندك شغاله او ماعندك لأنه بيجي يوم وتروح هالشغالة او بتشرد بس احسن شي انك تعلمين اطفالك الترتيب وتحببينهم وترغبينهم فيه وابغى اقولك عن تجربه شخصية كان ماعندي شغاله واطفالي صغار اكبرهم لسى مادخل المدرسة بس كنا في عطلة بس عودتهم الصباح كل واحد يزين سريره يفسخ بجامته طبعا تعليق البجامات في مكان مخصص واكون في الليل مجهزه ملابسهم واضعتها امامهم الجزم في مكان مخصص الألعاب ايضاً معروف مكانها الملابس الوسخه في سلة الغسيل اللي يرمي ملابسه الوسخه في اي مكان يضطر يلبسها من بكره وهي وسخه ( يقال ان هالحركة عقاب ) يساعدوني في ترتيب مكان جلوسنا باستمرار طبعاً مع تشجيع الأفضل وخصوصا اذا كان التشجيع من الأب هذا شي ثاني ويالله الله يعين هالريالات تدهر والبقالات بس والله حبو النظافة والترتيب من غير ما اقولهم شي يسونه خصوصاً في غرفة نومهم او الألعاب لأنهم بيخافون على ممتلكاتهم الخاصة لأنه ماعندي إلا رمي إذا شفت الشي في غير مكانه من ملابس او العاب او جزم او اشرطة او اي شي يخصهم بس صراحة بعد فترة ارجعه لهم افاجئهم فيه عزيزتي نصيحتي لك واي وحده ما عندها شغاله انها تعود اطفالها وتحببهم في النظافة والترتيب بجميع الطرق عاد كل وحدة على حسب البيئة اللي هي فيها لو اضطريتي انك تشرطين لهم بريال او غيره او تطلعين طلعه خاصه لهم او لو تودينهم ابو ريالين والله يوفق الجميع