لالالا ابدا
لا تسلك طريق الإنحراف ولا تخوض في تجربة ولا تدينك بيمنعك
انا شخص غير متزوج ولا قد حبيت والحمدلله الرمانسيه عندي احسن من ثلاث ارباع المتزوجين <<< واثق
الرومانسيه عالم واااااسع وكبير لو اقعد اكتب من اليوم لبكرة عن طرق الرومانسيه ما راح اخلص صدقني
بس انا راح اعطيك النصايح المهمه ورؤوس الخيوط وانت عاد اقعد دور على الطرق
اهم نصيحه واول شي لازم تسويه هو انك تكسر شي في داخلك اسمه حياء او خوف او ما يصلح او عيب
بينك وبين زوجتك لو استعملت اي شي من الاشياء الاربعة اللي فوق صدقني راح تدمر حياتك
لا تواخذي اخواني واخواتي الاعضاء في الكلام اللي راح اقوله لانه واقع وصحيح
كثير من الرجال ما يفهمون في الرومانسيه واكثرهم هم :
الملتزمين او المتدينين او بالمصطلع العامي ( المطاوعه ) والسبب هو :
عدم تجربة السابقه مع بنات وطبعا هذا الشي مرفوض وهالشي يحس له ولا يحسب عليه
السبب الثاني هو عدم اطلاعه على الافكار الرومانسيه وكلام الحب المنتشر في المنتديات وكثير من الاماكن
والسبب هو : ان بتفكيره يقول ان دينه ما يسمحله يطلع على اشياء مثل هاذي لان ممكن تسببله الفتنه او انه ما راح يضيح وقته في اشياء تافهه
طبعا هذا التفكير غلط لان الافكار الرومانسيه ليست كلام اباحي ولا كلام غير اخلاقي واما عن انها تافهه فصدقني اللي تعتبرها تافهه هي راح تكون عمود اساسي في حياتك الزوجيه
وبعد فيه ناس آخرين تشكل عندهم الرومانسيه مشكله
واتمى ما يزعلون مني وهم : البدوي او بالتحديد البدو المتمسكين بالبداوه
وتفكيره هو انه رجل وقدره اكبر من قدر البنت ( وهذا تفكير غلط غلط غلط ) وان الرومانسيه هاذي شي يقلل من قدره

انت كملتزم بدينك راح اعطيك اكثر من نصيحه ان شاء الله راح تستفيد منها
بس اعرف او شي ان الرومانسيه عند البنت هي مثل المويه في حياتها واذا فقدتها راح تتعذب بدون ما تموت
1- اكسر حاجز انك شخص ملتزم بدينك وان هالشي اللي تسويه مو متعود عليه ( مثل ما قلت في التوضيح فوق ) اعطي نفسك الحريه المطلقه وانسى الدنيا
2- حط هالشي في بالك زين واظن انك تعرفه : انك انت وزوجتك مثل بعض لا انت اكبر منها في القدر ولا هي الاكبر
3-بما انك شخص متدين اكيد راح تكون ملتزم في عبادتك اكثر من غيرك بالذات قبل الزواج
بس لا تنسى ان بعد الزواج زوجتك لها حق عليك ونفسك برضو لها حق عليك
4-اعرف طرق التعبير عن الحب:
واحلى طرق للتعبير عن الحب هي الهدايا بمناسبه وبدون مناسبه
مثال : وانت راجع البيت جيب هديه خاتم وقول : وانا راجع للبيت طريتي على بالي وقلت لازم اجيبلك هديه
طبعا الاسلوب لازم يكون بحرفته انا قلتها عالسريع وبس مثال
5- وهذا شي مه مهم :وانت جالس لحالك( في الوقت الحالي قبل الزواج) ألف كلام الحب في نفسك وحرك المشاعر اللي في داخلك .. تخيل انك متزوج وانك تتكلم معاها .. تخييل يومياتك كااامله مع زوجتك من وإلى .. اقرى الشعر الغزلي واكتب الشعر الغزلي صدقني هالشي راح يعلمك كيف تصفف الكلام
تخييل نفسك انك زعلتها ووبتروح تراضيها ضبط الكلام في مخك من الحين
تخيل نفسك وانت تعطيها حنان .. تخيل نفسك وانت تزيح عنها هم.. وصدقني لما يجي هالموقف راح تلاقي انك تتكلم بشكل تلقائي
6- وطبعا التواصل الجسدي ( ضم وتقبيل .. الخ ) شي مهم ولكن الاهم انك تخرج الافعال هاذي من قلبك مو من جسمك

وبعد هالكلام
اكتب كلمة (رومانسية) في محرك البحث حق المنتدى بتلاقي عشرات المواضيع اللي تتكلم عنها
وانت تقرا الله يخليك لا تقول في نفسك .. لا عيب .. لا ما يصلح .. وش هالسخافه .. لان كذا ما كأننا سوينا شي