دام فيك خير وفيك دين الحمدالله.. وهو شكله متفهم جدا معك وعارفك وهذا شي طيب

بالعكس قولي الحمدالله ان ربي أرسلك واحد طيب ومتدين يساعدك ويعينك على طاعة ربك

يمكن يكون سبب في هدايتك لبعض الأمور

والله انا بصراحة أتمنى واحد وسط يكون مثلي وسبق وتقدم لي ملتزم وفعلا خفت وشلت هم لكن يوم تفركش الموضوع

حسيت اني فقدت نعمة عظيمة انا ليه اخاف من المتدين؟ اخاف يكون شديد مررررررررررة ومتزمت ويحرمني من اشياء كثيرة

لكن فيه ناس سهلين وفاهمين الدين صح واحس خطيبك مثل هالنوعية والدليل مازعل وانتقدك لما قلتي لا ماصلي الليل

بالعكس قالك بعد الزواج ان شاءالله هذا اكبر دليل انه متفهم والتعامل معه سهل

حطي في بطنك بطيخة صيفي وقولي الحمدالله عالنعمة

والله اعرف لك وحدة خذت واحد غافل يتريق عليها وعلى دينها وكل ماصار مشلكة قال روحي صلي فكينا!!!!!

وقاسي مافي قلبه رحمة لأنه مايخاف الله

اللي مايخاف الله ينخاف منه..

اطمنك ان امورك ان شالله بتصير تمام وانت خليك صريحة معاه على طول اريح لك واريح له

احدي صديقاتي زوجها ملتزم وهي عادية لكني صرت الاحظ كثير تأثرها فيه وماشاءالله عندهم عيال وامورهم ماشية

بالتوفيق حبيبتي

__________________
اللهم لك الحمد والشكر
"ولئن شكرتم لأزيدنكم"