السلام عليكم ورحمة الله وبركاته
اخواني واخواتي انه باقولكم تصرفات زوجي اللي تقهر وتبط الجبد وانتو حكمو،،،يعني انه مو حاط لي اهميه كللللللللللش،يعني تقدرون تقولون صفر على الشمال،،،آخر همه انه،،يتصلون له الشغل يبونه يطلع بدون ما يخبرني ،،يعني على الاقل يقول لي انه تره رحت الشغل يعني انه تكرمون كنت اغسل الحمام طلعت الا الريال محد نطرت ونطرت ولا بين يوم اتصلت له قال انه في الشغل قلت له على الاقل خبرني انك في الشغل،،هاذي طافت ،،امس كنت انطره وطبعا ميته من الجوع اللي في البيت كلهم تقدو الا انه انطره ويوم وصل حضرته يقولي انه تغديت في الشغل ،قلت له على الاقل دقيت علي وقلت والله يافلانه انه باتغدى في الشغل تغدي انتي لا تنطريني،،طبعا لا حياة لمن تنادي ولا همه،،واكثر شغله تقهرني مووووووووووت ،مثلا اروح له بو فلان ودي اطلع وياك ونطلع اليهال طبعا الرد جاهز ،يقولي انه مو متفرغ لكم ،،ومن يتصل واحد من ربعه ما يردهم على طول جاهز بس ياخذ دش ويطلع يقهرني وانه دايما اقوله انت عذاري تسقي البعيد وتخلي الجريب،،،والله مقهوره اخر مره طلعنا فيها سنة 2005 في عيد الفطر ،،ولا في عمره اتصل لي وقالي مثلا جهزي روحج ويا اليهال بنطلع مع ان ما في اي موانع تخلينا نطلع بس هو كلللش ما يتفرغ لي يتفرغ حق الغير وانه آخر اهتمامه ،،ولا تقولون لي تزيني وقولي كلام حلو ومادري شنو لان كل ذي انه اسويه بس ريلي مادري شعداله ،،بس انتو حكمو تصرفاته ما تقهر توني متصله فيه والله مابيه يطلعني بس ابي اروح الصيدليه ضروري قالي مااقدر اوديج انه باطلع ويا رفيجي ،،