بارك الله فيك ياخوي
ووفقكم لكل خير
اخوي نصيحة دام ان عندها مسنجر خلها تغير ايميلها والقديم تنسااه
وحبب لها اي منتدى نسائي بنووتي عندها راح تكون صداقات مع بقية الفتيات اللي مثلها
حتى لاتشعر بالفراغ عندما لاتكون انت موجود
وبالعكس راح تعلم الكثير
انا عن نفسي مشاركة بعدة منتديات نسائية وتعرفت على مجموعه من الفتيات من شتى الدول خليجية
عربية امريكيه
ومعاي للحين بالمسنجر وكلهن ولله الحمد طيبات وتعلمت منهن الكثير ^_^
نتبادل الخبرات والثقافات ههه واهم شيء الطبخات واساس صداقتنا المحبة في الله
والحمد لله مستاانسه معاهن لأن بنات عماني وخيلاني كلن بديرة وصديقاتي اهلهم متشددين مانشوف
بعض الا باالأعياد والمناسبات فاقضي وقت فراغي وياهن ونحل مشاكلنا ونتعاون على الطاعة والتذكير بالله
واخواني وهلي الحمد لله متفاهمين عارفين من اكلم ودايم احكي امي عن صديقاتي
في البداية كانت تخاف علي وتقول لايكونون عيال بأسماء بنات
قلت لها انا مااضيف الوحدة الا لما اتأكد منها
وبخصوص البيانات الشخصية متحفظه عليها ومانقول الا العمر والدولة ^_^
وبالعكس تجي امي معي ونقرا ونسولف سوى
بالتوفييق اخوي
والله يحفظ اختك وجميع بنات المسلمين
__________________
أحبتي في الله لاتنسوني من صالح دعائكم
ان يجمعني الله بخطيبي فأسعده ويسعدني دنيا وآخره
وان يهب لأختي الزوج الصالح ولجميع بنات المسلمين
ويهب لشباب المسلمين الزوجات الصالحات..
