ياحبيبة قلبي انت
تبغي تجربتي وبيني وبينك
احتويه احتويه احتويه بحبك بحنان بعطفك
لاتعصبي ولاتنتقمي ابدا
عمر العلاقه بين الزوجين انتقام هي (موده ورحمه)
توددي له ، وارحميه
اصبري عليه وبنفس الوقت اعطيه فرصه يعيش حر طليق
يعني
لاتفكري ابدا تعاتبيه ليش مااتصلت وينك ماكلمتني.....
انت اتصلي عليه في اليوم مره اما في الصباح او اي وقت المهم تضمني وتتوقعي انه فاضي
وسلمي عليه كيفك حبيبي مشتاقتلك افتقدتك كيف صحتك كيف الدوام
تبغى شيء حبيبي مع السلامه حبيت اسلم عليكمثل كذا ماتاخذ المكالمه اكثر من 10 دقائق وهذا هو المطلوب ولو اقل افضل
وحاولي لاترسلي رسائل كثير
ثاني يوم ارسلي رساله(كيفك ياحلو وحشتني كيف عيونك كيف اذنك كيف بطنك كيف قلبك
حبيت اسلم عليك حبيبي يادبدوبي )
وبس هذي الرساله تكفي اليوم من غير مكالمه
ثالث يوم ارسلي رساله (حصنتك بلا اله الا الله ياسيدي
انا عارفه انك مشغول وما حبيت ازعجك عشان كذا رسلت لك الرساله انتبه على نفسك يانور عيني..)رابع يوم لاتتصلي ولاترسلي
اذا ماتصل ارسلي رساله بعدها بيوم ارسلي رساله غزليه
وتشوفي بعدها بيتصل وحتى لو مااتصل هو في داخله مبسوط منك وبنفس الوقت مشتاقلك
اهم شيء حبيبتي
خذيها نصيحه مني
اذا انت اتصلتي لاتطولي في المكالمه يعني سلامات وتحيات ومع السلامه ...لأننا مانعرف هو فاضي ولا لأ هو رايق ولالأ
لكن هو اذا اتصل تأكدي انه رايق وحابب يتكلم وتشوفي انه يجلس بالساعات يتكلم ويحكي حتى مايعطيك فرصه تحكي
من كثر ماهو مشتاق يحكي لك ويسولف
حبيبتي مادام متأكده انه يحبك وانتتحبيه ليش خايفه
اكثر مايخوف واللي يقلق البنت انها ماهي متأكده من حبه...صح ولا انا غلطانا.....تراني مجربه وعارفه وعايشه تجربه
طيب حتقولي انا ايش اعمل بهذا الوقت
بأقولك املي وقتك ونظمي نفسك ورتبي جدولك
1_وقت النت...نقول 3 ساعات
2_وقت تعلمي الطبخ ....خذي طبخه في المنتدى واعمليها ...عارفه كم تجلسي يادوب 3ساعات من طبخ واستحمام بعدها
3_اطلعي امشي واتريضي ......ترا الرياضه تنفس عن الإكتئاب والضيق وتجدد نشاطك
4_خصصي لك وقت في الليل ساعه قيام ليل وقرأة قرآن<<<مااجملها من ساعه تعطي راحه نفسيه
5_علاقات اجتماعيه زيارات
نصيحه خذيها مني ...لما تجي تنامي لاتجلسي تهوجسي (مايحبي مايبغاني لو كان يبغاني كان كلمني لو لو وتجلسي تبكي على المخده<<<<تراني عايشه هذا الجو
تصحين ثاني يوم مكتئبه ومكشره ومالك خلق بأحد
لكن لاجيتي تنامي افتكري كلاماته الحلوه ومواقفكم الحلوه فكري في مستقبلكم الحلو وفكري كيف تسعديه
تصحي ثاني يوم وانت منتعشه
ولاتنسي صلاة الإستخاره صلاة الأستخاره
كل ماحسيتي بضيقه قومي صلي واستخيري
والله بإذن الواحد الأحد بتحسي براحه وطمأنينه
بأختصار ياقلبي:
1_التفائل بالخير
2_ملي وقت الفراغ
3_التودد ولكن بحدود يعني لاتخنقيه وتلاحقيه
4_صلاة الإستخاره
5_اعطيه الحريه
6_الدعاء الدعاء الدعاء
واخيرا : ربي يسعدكم ويألف بين قلوبكم ويلم شملكم على خير
ويكفيكم شر الحاسدين وشر شياطين الجن والأنس ويارب يجعل بينكم موده ورحمه
ويريح بالكم ويسخرلكم ويجعلكم قرة عين لبعضكم
__________________
لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني
إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا