اقتباس:
|
المشاركة الأصلية كتبت بواسطة aabb_55
يارجال لاتدقق
انا ملكتي بكره ان شاء الله <<< قولوا ماشاء الله
وكنت مثلك ما ادري وش اسوي
ماخليت محل في الرياض الا درته ادور شكل حلو
حصلت بين 700 الى 1000 ريال << بغيت انجلط
فكرت فيها <<< طفران واسوي زحمة مالها دعي
واعتمدت على صندوق شريته من محل التحف بـ 80 ريال والله شكله حلو
وغلفته في محل بـ 150 ريال والحمد لله 
طلع ولا احلى منه
وبنسبه للفخفخه الزايده
ان كان فكرتك انك بتدفع وما همك
اشتر هديه لابو زوجتك
دهن عود من الفاخر وغلفه وعطه
شرط ان تصير احسن واحد ذاك اليوم
احسك ماودك تعطيه
بس ابقول لك حاجه
احرجه علشان لو بغيت تجي وتتميلح عند حرمتك ماينشب لك
<<< ناصحينه اخوياه قبل
وبالتوفيق |
اخوي abb مرورك وتفاعك مع موضوعي شرف لي
اول شي الف مبروك على الملكة والله يتمم سعادتكم عى خير
ثانيا تصدق فكرة حوة تحفة رخيصة وتغليف وتزبيط وخفيفة جدا على الجيب
بس نحتاج واحد يزورلنا الفواتير عشان نسلم من بعض السنة الناس في بيتنا
بالنسبة لابوها والله انسان حبيب جدا , تصدق الفكرة حلوة عشان ماينشبلي من الحين توصية لاخوي المطوع يجيبي دهن عود زين , بس مشكلتي مع اخوها احس يوم جيت اشوف اخته وده يسطرني كف افكر اعزمه في مطعم محترم عشان يفكني من شره
شكرا من الاعماق واف مبروك اخوي