السلام عليكم ورحمة الله وبركاته
موضوعي اليوم هوا عباره عن استفسار عن مشكله تمر بيها بعض الأمهات وتعجز بعضهم عن التصرف فيها
بأختصار اذا كان لديكي بنت في سن المراهقه وانتي واثقه انك ربيتيها كويس وفجأه تعرفي انها غلطت
غلطة زي اغلب البنات المراهقات بسبب حب التجربه والفضول وبعد ما واجهتيها بالمشكله اتندمت وحلفتلك انها غلطت غصب عنها وانها كانت مو مرتاحه ونفسيتها في الفتره الي كانت فيها ماشيه في الغلط جدا تعبانه ما تنام ولاتاكل بس بسبب انها كانت تحت ضغط من احدى صديقاتها كانت مضطره تجاريها عموما المشكله لها ابعاد تانيه بس حبيت اسأل اذا هذي البنت حلفت انها ندمانه وتابت وما راح ترجع للغلط تاني وانها حست براحه بعد ما انكشف موضوعها لأمها وابوها ( عقاب والدها لها كان انو طلعها من الجامعه وزعلان عليها ما يكلمها ابدا) ولاكن لم يضربها وذلك كان طلب من امها لأنها ترى ان الضرب في هاذي الحاله لاينفع قدر ما يضر الأن البنت جدا متأثره ونفسيتها جدا تعبانه من زعل ابوها منها وهيا حاولت كتير تتأسفلو وترضيه ولكنو رافض (البنت حاولت الأنتحار اكتر من مره بحبوب )
ابغى اعرف رأيكم كيف الوالدين يتعاملو معاها بعد هاذي المشكله
هل يرجعوها الجامعه ويعاملوها كويس مثل ما كانو يعاملوها قبل المشكله
او يستمرو في زعلهم عليها وما يرجعوها الجامعه
ارجوكم لاتبخلو عليا بأراأكم لأن امها جدا محتاره وخايفه على بنتها
تم تعديل العنوان ليتناسب مع المحتوى ..