يعني هذا قدرهن فنأتي نحن لنقسوا عليهن ومايكون شغلنا الشاغل الا اتهامهن والشك بهن !!!!!
مااقول الا الله يكون بعون المطلقات والارامل اللي عايشين في بيئه تحرمهم من حقوقهم وتشك فيهم !!
انا والله العظيم استغرب لمن تقولون ارمله ومطلقه وشك واتهام وماتطلع والخ من التهم
ليش هالظلم عليهم هذا ابتلاء من الله مثلهم مثلنا واللي بتغلط مو لازم تكون مطلقه او ارمله حتى المتزوجه تغلط والا يعني علشان عندها زوج تتستر عليه !!!
واعرف كثير مطلقات وارامل ولكن اهاليهن يعاملونهم بنضج واحترام يطلعون من البيت ويسوقون سيارتهم ويروحون يدرسون اذا كانوا طالبات في الجامعه او للشغل اذا كانوا موظفات ويطلعون لشراء حاجاتهم او حاجات البيت ولوازمه بأنفسهم شي طبيعي جداً
هذا نصيبها وانكتب عليها شنو يعني تنظلم من الصوبين احنا والزمن عليها !!
انا ماشوف فيها شي المطلقه والارمله تطلع لحاجتها وتمارس حياتها حالها حال المتزوجه وحال البنت ومادري وين الغرابه اذا كانت بغرفتها كفايه مسكينه ماتطلع ومقيده بعد نحاسبها على تصرفاتها في البيت!!
المفروض لها معامله ثانيه معامله احترام وقيمه وكيان المفروض يعطونها وظيفه في البيت اذا كانت غير موظفه مثلا تكون المسؤوله عن تدبير البيت والخروج لشراء تموين البيت من الاكل وغيره يحسسونها بان لها قيمه ولها اهميه في البيت مو يهمشونها ويراقبونها وكأنها بنت مراهقه ينخاف عليها تغلط ولو حب الواحد ينصح لخوفه على بنته مايخالف بس مايجرح ويشكك الثقه مطلوبه
وبعدين لمن يسندون لها مهام في البيت ويستشيرونها وقتها ماراح تحبس نفسها بغرفتها وتنعزل اما ان احنا نحرمها من كل شي حتى من عزلتها فهذا جد شي ظالم وديكتاتوري
انا جد متعاطفه مع من ماتوفقت في نصيبها وانظلمت من القوانين المفروضه عليها وتنظلم بعد من اهلها لانها بس مطلقه او ارمله !!

اخيرا ......... رأيي عن المطلقه والارمله هو نفسه رأي صريحه جداً لم ولن يتغير ولن يتبدل
فعندي طبيعي جداً أن تطلع أو تجلس بغرفتها... تخرج بعلم اهلها وتستاذن منهم ..... تستقبل صديقاتها وتزورهن .. فهي عندي معززه ومكرمه قد كرمها الاسلام وعزها ورفع قدرها
وشي طبيعي ان آتي لمنزل احداهن ولا اجدها لانها بزيارة لصديقتها وقتها وعند انتهاء زيارتي لأهلها سأقول بلغوها سلامي وتحياتي وقبلة حارة مني
وفي قلبي سأدعوا لها واقول اسعدها الله وارضاها وعوضها كل الخير..

__________________