السلام عليكم
اخواني انا لي اسبوع الحين عقدت قراني على زوجتي
وانا رجال من كلمت زوجتي وانا ادلع فيها ليل نهار
في كل وقت وكل ساعة وكل دقيقه
لدرجه انها تقول خلاص واللي يرحم والديك يكفي كلام حلو
ماقصرت معها من ناحيه الاحساس ومن ناحيه الحب وكل شي
اطلب احيانا منها مثلا بوسه عن طريق التلفون
ترفض وتتأفف مدري هو حيا او ماتبي << للحين مافهم
اول مره مشيتها ثاني مره مشيتها
سألتها قلت ليه تسوين كذا
وليه كل ماطلبت منك بوسه تحديداً تتأففين ؟؟!!
قالت ما احب كذا <<< وش رايكم في ردها
قلت طيب
انا مثلك لي احساس وشعور
ابي مثل ماتبين
والله خليتها تحبني وماعاد لها سيره غير اسمي عند اهلها
بس اليوم بالليل تهاوشت انا وياهاا لانها تتأفأف علي << انقهر
هاوشتها وقلت لها ماراح اكلمك ابد الا بعد الزواج <<< زعل
وجلست تبكي وتقول والله استحي ومن ذا الكلام وسكرت الجوال
لاني صراحه ابي الحيا اللي بيني وبينها يزول بس مو كله
مسأله البوسه بس
ابي تصبحني وتمسيني ببوس
صراحه من حقي محروم من 28 سنه وماعمر احد دلعني
<< خلكم مكاني وش بيكون شعوركم مو قهر ؟؟!!
صراحه هل تصرفي سليم او لا ؟؟!!