منتدى عالم الأسرة والمجتمع - عرض مشاركة واحدة - أزعجونــــــي
الموضوع
:
أزعجونــــــي
عرض مشاركة واحدة
16-02-2007, 08:16 PM
#
1
غـاليــة
كبار شخصيات المنتدى
تاريخ التسجيل: Mar 2006
المشاركات: 4,281
أزعجونــــــي
السلام عليكم ورحمة الله وبركاته
حبيت آخذ رأيكم في موضوع مازالت أحداثه قائمة <<< حسيتوا إنه الموضوع قوي صح
وقت الظهر هذا وقت أحلى قيلوله أرتاح فيها وماأحب أحد يزعجني لكن في ذاك اليوم
فيه من أزعجني وخلاني أعصب
تليفوني يدق ويدق ويدق وأشوف رقم ماأعرفه ماتحمست أرد إلا لما دق مره ثانية
المهم كلمتني وحده مستعجلة إنت ِ فلانة الفلاني
قلت إيه من معي ؟!
قالت معك شركة فرنسية للميك آب إنت ِ إنت ِ مرشحة من قبل إحدى صاحباتك لحضورنا عندك !
إنت ِ وين ساكنة !!!!
ياليت توصفين لنا بيتك علشان بنعرض لك أحدث الميك آب والماسكات
للعناية بالبشرة والجسم وأخذتني بالكـــلام وختمتها بالأخير رشحي لنا من صاحباتك نروح لها !
بصراحة أنا ماحبيت طريقتهم أبدا ً وقلت لها بعدين بعدين وقفلت
بالليل رجعت مره ثانية تدق لكن مارديت وبعد كم يوم دقت ولا رديت
وماراح أرد عليهم نهائيا ً .
المهم سألت صاحباتي وقالوا إيه دقت علينا وصفنا لها البيت وجت
وصارت تعرض لنا من الماسكات وتجرب علينا وبس هي تمدح في هالمنتج
وإحنا نشتري ونشتري لحد ماوصلنا حدود 3000 ريال
وتقولي لما وصلنا لهذا المبلغ قلت خلاص يكفي وهي مازلت تعرض لنا
أشياءهم كلها بعلب لونها موّحد غريبة يعني
وصاحبتي الثانية جتهم البيت وأشتروا منها بمبلغ وقدره بس نسيت كم
حتى تقولي إنها تسألني أنتم موظفات ؟
طيب إذا بتدلوني على غيركم نروح نعرض لهم اللي عندنا وتسأل هم موظفات ولالا ؟!!!
بصراحة وش رأيكم في هالموضوع ؟!
قد كلموا عليكم وخليتوهم يجون البيت وإشتريتوا منهم ؟
تحسون إنهم ماديات أو فكرة حلوة إنهم يجون لحد عندك بيتك مع إنه الشركة مش مشهورة ؟!
عني أنا مثل ماقلت لكم ماارتحت أبدا ً لهم وحسيتهم من كلامهم مادييين جدا ً
وحتى عروضاتهم مش مضمونة وأحس إنه بشرتي وجسمي مستحيل أخليها حقل تجارب
لأي شي وماأحب الإستغفال أو الإستغلال
سؤالهم الإستفزازي بنظري لما يسألون عن زبوناتهم قبل يكلمون عليهم هم موظفات ولالا
كأنهم يحسبون الموظفات من كثر ماعندهم فلوس بيرمونها بأي مكان وماراح يهمهم لأنها
لهم وخاصة لما تكون ماتزوجت .
أتمنى أشوف آرائكم وتجاربكم لو قد مريتوا فيها
صحيح سؤال أخير (قد يكون مداعبة )
تتوقعون ممكن تصير مثل هذي الأشياء لشركات رجالية وتنجح ؟!
عني أنا أشك والله ِ
غـاليــة
مشاهدة ملفه الشخصي
البحث عن المشاركات التي كتبها غـاليــة