منتدى عالم الأسرة والمجتمع - عرض مشاركة واحدة

19-02-2007, 01:18 AM

#24

شمعة الجلاس2005

كبار شخصيات المنتدى

تاريخ التسجيل: Aug 2005

المشاركات: 1,769

أولاً حبيت أقول لأختي ( شوبارد ) عفارم عليكِ .. والله إنك كذا

اقتباس:

يوم خلصت شغلها قالت لي هاه شتبغين

موتيني ضحك وأنا أتصور شكل اللي تسمي روحها خبيرة تجميل وإنتي تقولين لها

اقتباس:

قلت والله انتم اللي أصريتو تجون عندي شسوي؟

أما عن نفسي ...

فأنا بعد وحدة من صديقاتي الله يهديها عطتهم رقمي ..

واتقولون ينشنون ما يتصلون الا على الوحدة وهي نايمة ... المهم يوم اتصلوا قلت لهم إني مشغولة ..

واتصلوا بعد أيام وعطيتها العنوان .. والحمد لله الظاهر ما عرفوا يوصلون ..

لكن الثالثة ثابتة على ما يقولون المهم عطيتهم عنوان بيت الوالد

واتصلت على وحدة من أخواتي الله يسامحني

بس لأني أعرفها تموت في هذي الأشياء ..

يعني الكريمات وشغلات التنظيف وهي أصلاً عندها صالون نسائي وما تصورت إنهم بيخدعونها وبيصفون عليها هذا المبلغ ..

المهم اشتغلت على وجهها تنظيف وكلام يوجع الراس ماشاء الله عليها ومثل ما قالوا باقي الأخوات

وإلا مجموع الكريمات 350 دينار

جان آسوي لأختي حركات بوجهي يعني لا تاخذين أبداً وكأنها منومة تنويم مغناطيسي

وجان تدفع ..

وإلا الأخت رجعت علي وإنت يا حبيبتي ما بدك شي قلت لها لا لا الحمد لله ما أحتاج

إلا تقول لي من آلك شوفي بشرتك شو عاملة و و و ...

وفي الآخر وإلا أختكم

ماخذه غسول للوجه بسعر 10 دينا

ووكيلكم الله من آستعمله وأنا بشرتي جافة أصلاً اتقولون غاسلة وجهي بزيت عافية

.. بس أستاهل

.. هاذي حوبة أختي الظاهر ..

بس ترى أنا حذرتها وهي بكامل قواها العقلية يوم تشتري منهم ..

وأقول لباقي الأخوات ..

[blink]احذوا ثم احذوا ثم احذوا لا تنغشون .. [/blink]

ترى كريماتهم ولا لها أي نتيجة تراهم كذابين ..