اقتباس:
|
أولا أنا ما أثق فيه لو شنو يسوي , لأنه جذاب درجه أولى , بس قاعده أتحرى بدون ما يحس وماني لاقيه شي أطيح عليه لأن اخر مره طحت عليه هددته أني راح اعلم أمه وهوا كل شي ولا أمه وهددته أني أطلع من البيت وحرمه من ولدة ألي يموت عليه فحسيت أنه خاف خصوصا أنه مار بتجربه زواج سابقه ونحرم من ولده العود. ثانيا ممكن يكون ما تاب وماخذ حذره عاللأخر بس شسوي ؟؟؟ كل وساءل التجسس قاعده أستخدمها . ثالثا أنا أعرف ألي كان يخوني معاها وما أقدر أكون نفسها لأنها بالعاميه (هيلقيه)وهوا يعيب على هاللأشكال شسوي أنا وايد ذربه وبنت ناس وهالشي ألي حببه فيني,وخذاني ,بس أحس مرات أني مجرد أسانه ماخذها عشان برستيجه جدام الناس وعشان يكون أسره مستقره و مثاليه, وهوا يعيش العشق بره بيته والمغامره, هذي المقوله اهوا قالي أياها لما سألته قبل ما طيح عليه ليش المتزوج والمرتاح مع زوجته يخون ؟؟المشكله أني أحبه بس بروده قاعد يسببلي أنا برود وعشان ألهي نفسي قاعده أطلع وايد وهتم بشكلي ولبسي خصوصا أني توني والده صارلي 20يوم ولايعه جبدي من كل شي , أدق عله ما يرد كنت أحتفل معاه العام بكل مناسبه وأييبله الهدايا ما يقدر وسوي روحه ناسي التاريخ ما المناسبه وهوا مو ناسي أنا أدري أهوا ماله خلقي , عشان جذي طنشت كل المناسبات هالسنه عشان يحس أني تغيرت , ما قمت أفاجأه نفس أول متعمده طبعا مع اني أمووووت على هالسوالف لأنه كان يستقبل مفاجأتي ببرود أعصاب , ذبحني من جميع النواحي وماني قادره اشيل فكره الخيانه وشكل عشيقته من مخي لدرجه أني قمت ازور طبيبه نفسانيه عندنابالديره . المشكله أنه يقولي احبج ماني عارفه شصدق تصرفلته تقول شي وكلامه شي ثاني وماكو شي يديد أطيح عليه
|
يا حبيبتي يا قلبي يعورني
والله حاسه فيك
ومثل ما يقولون .. ما يجس بالنار الا واطيها
قبل كل شي ودي انصحك نصيحه ... اتركي عنك التجسس هالفتره هذي
وتجاهلي كل خياناته ... وكان شيء لم يكن وكانك لا تعلمين عن شيء ..
اعرفي زوجك من اي نوع .. حتى تستطيعين تجذبيه
هناك بعض الرجال من يحب المرأه الحره الناجحه ( بالمختصر اللي عايشه حياتها )
وانا احبذ فيك حبك لنفسك .. واهتمامك لنفسك
كثير من الاخصائيين من يقولون ( كيف تريدينه ان يحبك وانتي لا تحبين نفسك )
يعني عيشي حياتك وسط تجاهلك لخياناته ... تجملي واهتمي في نفسك اشد اهتمام
اهتمي فيه ... واسعديه وكوني دائما مبتسمه .. ( ولكن اهتمامك فيه يكون بحدود )
عامليه كعشيقه ... ما المانع
مثلا عندكم مناسبه احتفال بيوم زواجكم ارسلييله بطاقه واكتبي فيها بانك وحده
تحبه وتريدين ان تقابليه في المكان الفلاني لامر سعيد يهمكم
قابليه .. واحتفلي ... ان ابدا اهتمامه فجيد .. وان لم يبدي اظهري بانك فقط مبتسمه وودوده
وانظري كل دقيقه الى ساعتك وكنك نتظرين امر مهم
كذلك يا حبيبتي ... هو لما اختارك وتزوجك لما يختارك الا لانه اعجب فيك وحبك
فماااااا هي اسابابه اللتي جعلته يختارك ؟؟؟
تذكري ما هي الاسباب اللتي جعلته يعجب فيك سابقا ؟؟
اذا فقدتي احد هذه الاشياء سارعي فورا لاستعادتها
اخر شي حبيبتي ... انصحك بالدعاء بالثلث الاخير من الليل
صدقيني فلها اثر عجيب لا تتخيلينه وادعي الله دائما اوقات الاستجابه
والله يوفقك
ان شاء الله