بسم الله
هذه ام احمد زارت صديقتها القديمه ام هنادي
طقت الباب وفتحت لها هنادي ورحبت فيها ودخلتها المجلس
سالت ام احمد وين امك قالت رايحه السوق والحين جايه ..
المهم مع السوالف والقهوه
قالت ام احمد
ماشاء الله عليك ياهنادي ماتزوجتي للحين
قالت هنادي لا مابعد جاء النصيب
قالت ام احمد وفلان ليش يوم جاء يخطب ماوافقتي ..؟
قالت اصغر مني ..
قالت ام احمد وش فيها الصغر ماهو عيب يابنيتي
قالت هنادي لا يام احمد ابي احس بالامان مع رجل اكبر مني
طيب وش الفرق بين الاكبر والاصغر يابنيتي ..
قالت اخاف آخذ واحد صغير واتمشى انا وياه بالشارع ويهجمون علينا ملاقيف الحاره ثم ينحاش قبلي
او تهجم علينا القطاوه ثم التفت له وماالقا الا غباره ..
قالت ام احمد
هذا ماهو عذر ياهنادي
لو معك اخوك ابو خمس سنين ماراح يصير اللي تقولين ان شاء الله
بس صارحيني ياهنادي وش السر ..؟
هنادي هذه ارتاحت مع ام احمد وفلت الشريط عندها وقالت
الصراحه ابي واحد اكبر مني
علشان يشوفني دايم صغيره بعينه ومايقعد يبصبص يمين ويسار مثل اللي اصغر مني ..
وعلشان يدلعني دايم ..
وعلشان مايتزوج علي << المسكينه من يوم عمرها 10 سنين وهي تخاف ان تزوجت تشوف زوجها يتزوج عليها .. ماتت بحيلها وهي مابعد تزوجت .
وقالت علشان لما يكبر اكون انهيته وقضيت عليه ..
ردت عليها ام احمد وقالت
يابنيتي
الكبير والصغير عيونه زايغه اذا اهملته زوجته والتوفيق بيد الله في الاختيار ..
والدلع لو عمرك كبيره وهو صغير تقدرين تصيرين دلوعه وماراح يفكر انه يدور الدلع .. لانك راح تذبحينه بالدلع ..
والزواج عليك .. هذا انا تزوجت ابو احمد وهو اكبر مني بثلاث طعش سنه وتزوج علي لاني اهملته .. والمقسوم جايك جايك لو هو كبير والا صغير ...
اما سالفت انك تنهينه فهذه كبيره .. << لاتعليق
والحين ياهنادي الموضه : البنات الكبار صاروا يتزوجون ناس اصغر منهم لان قوتهم اكبر
قالت هنادي راح افكر بكلامك ياام احمد
لو تبون تنصحون هنادي وش تقولون لها ...؟