شوفي ياحبيبتي
اول شي قومي توضي وصلي ركعتين واستهدي بالله
ثاني شي مايصير تصارحيه الحين وانا افضل ان ماتصارحيه ابداً
لأن هو يمكن يعتبرك غلطانه واطلعتي على امور خاصه فيه وتعرفي انتي بعض الرجال كيف
يعني يرمي الغلط عليكي ولا كأنه سوى شي
طبعاً انا ما ابغى اظلمه بس لازم نحط اسوأ الاحتمالات عشان نتفاداها حبيبتي
وبعدين انتي حطي في بالك ان هذي علاقة مضت وانتهت لاتخلي الشيطان يسيطر على عقلك
ويربطلك بعض تصرفات زوجك بهالرسايل
وممكن لو انتي واجهتيه الحين يقرب لها اكثر هذا لو مازالت العلاقه بينهم وانا اشك انها انتهت اصلا
والله ياحبيبتي الزوج زي الطفل وين مايلقى الحضن الحنون يميل له اكثر
يعني مو معقول بيستمر بعلاقته معاها وعنده زوجه فاهمه وواعية زيك واكبر دليل على حكمتك ماشاء الله عليكي انك رحتي بيت اهلك ماشبيتي عليه النار بالرسايل
استهدي بالله وريحي شويه عند اهلك الين تهدى اعصابك بس زي ماقلتلك انتبهي تصارحيه
والله بعض التصادمات هذي تخلق مشاكل ونفور الله يعلم فيه فاحذري
خليكي ستر وغطا له عشان يرتاحلك اكثر