المشاركة الأصلية كتبت بواسطة التائه قلبه

دخلت الغرفة بسرعة وشفتها قاعدة على الكرسي ووجها شاحب وتطالعني ببرود
تجاهلتها وما عملت لها اي سالفة و اعتبار وسـرت لسريري ودفنت روحي فيه وتغطيت بسرعة
تمت ساكته شويه ثم انفجرت وهي تبكي بصوت مسموع
قلت في نفسي هذي اكيد حركة ولعبة جديدة منها عشان اتأثـر علي
تجاهلت صياحها وبكائها وغطيـت وجهي بالكامل في الفراش ووضعت المخدة على راسي عشان تبطل من بكيها
تمت تبكي شويه وانا متجاهلها لكنها بعد شويه وقفت في مكانها وصرخت بصوت عالي كثير وقالت قـوم كلمني
قمت من السرير ومشيت وانا معصـب كثير لغاية ما وصلت عندها وانا اقول لها اقصري الشر يا حرمة وسيري نامي احسلج تراني تعبان اليوم ومالي خلق اكلمج لا تخليني افقد اعصابي تراني ما اقدر اتحمل كلامج الماسخ الجارح اكثر
مسكت ايدي وهي تصيح وتقولي انا سبيتك وقلت لك اللي قلته لأني انصدمت كثير فيك ولأني احبك
قلتلها واللي يحب شخص يسبه بهذي الطريقة وبعدين لا تعبين نفسك اكثر من هذا زواج راح أتزوج رضيتي ولا مارضيتيمسكت ثيابي بيدها الثنتين وتمـت تبكي وتقول الله يخليك لا تعرس علي الله يخليك لا تعرس علي
قلتلها ما ابغي كلام ثاني بهذا الموضوع بعرس يعني بعرس انتي ما تفهمينشدتنـي من ثيابي وصرخت في وجهي صرخة قووويه كثير كثير وقالت انت حيوان ما عندك قلب ما تحس
فلتت اعصابي مني وانفجرت من الغضب وما حسيت بعمري الا وانا أدزها وادفعها بيدي بكل قوتي على صدرهاومن قوة الدفعة طاحت على الارض على ظهرها وراسها ضرب في الارض
تميت اطالعها وانا مستغرب من عمري ليش سويت فيها جذيه
وهي لما طاحت على ظهرها تمـت ترتعش على الارض مثل الدجاجة المذبوحة وانا اطالعها وما عارف اسوي شي وتم جسمها ينتفض ليما فقدت الوعيحملتها بسرعة للمستشفى لقسم الطوارىء ووضعوها هناك تحت الملاحظه لأن ضغطها ارتفع كثير كثير وجتها مثل الصدمه ما ادري نفسية او عصبية .
وتميت أبكي عليها كثير في المستشفى لأن حالتها تقطع القلب وايد ولغاية الحين ما نزل الضغط كثير
انا الحين رجعت البيت عشان اشوف الاولاد والعصر برجع لها مرة ثانية
انا خايـف على أم مايـد خايف عليها كثير