المشاركة الأصلية كتبت بواسطة fafi

اخي فاغر

مواضيعك دائما مميزة و فيها النفع الكثير

انا راح اقول لك عن قصة حصلت لي قبل فترة بسيطة

استاذي ...بعد مرور 22 سنه زواج ... مثالي

والله انا اللي كنت مثالية زيادة عن حدي ...

شايلته وشايلة اهلة على روموش عيوني .. الكل يقول لي ما في ا حد يقدر يسوي ولا ربع اللي انت تسوينه .. وهو عارف ذلك جدا جدا

المهم ...كنت مهتمة فيه اخر اهتمام ...مقدمة على حياتي ...او بالاصح هو محور حياتي

اذا زعل من شي وخاصة مني ...اموت ... استمرض ..

والرجال متعود على دلال ودلع طول 22 سنه...
مؤخر بديت اطالب بشوي من حقوقي ...
وهو ...معطيني الطناش ... خاصة من الناحية العاطفية ... جاف شوي ...مو كثير وانا رومنسية
تكلمت ...وفهمت ....لمحت ...تخانقت ... لكن لا حياة لمن تنادي

حسيت اني تعبت من كثر ما اعطي ...22 سنه وانا اعطي حب وحنان ودلع .. انا اعترف انه هذا طبعة ....لكن لي حق انه يعطيني مثل ما اعطية ... وراضية ولو بالقليل ...((لازلت اقصد الناحية العاطفية لانه من الناحية المادية ...حاتم الطائي في كرمة لي ولعيالي ))

المهم قلت يا بنت خلني اهتم في نفسي اكثر ...
خلاص ما راح اخلية محور حياتي ..

هو حس بشوي تغير مني...

يوم من الايام ونتيجة نفستي المضغوطة منه تخانقنا على شي تافة جدا ..
زعلت كم يوم...ويجي ابو الشباب ينفجر فيني لاني مطنشتة
ويقول لي الكلمة اللي عمرة في حياتة ما قالها لي ...
انا اعرفة يبغي يخوفني ويرعبني
قال لي شوفي يا بنت الحلال انت متغيرة علي ..انت صرتي ما تهتمي فيني مثل اول ...انت صايرة نكدية هذه الايام ...وانا رجال كبرت ...ابغي اخر ايامي ارتاح واعيش مثل الملك
قال لي ...شوفي ...خذي مجوهراتك وكل اللي تبغينة وراح اوديك بيت اهلك ... واذا تبغين الطلاق راح اعطيك اياه ...والاولاد راح اخليك تشوفينهم كل اسبوع

عاد انا ما خفت ابدا ...لاني كنت واثقة ان التغير يبغيلة شوي تضحية

قلت له ... لا يا ابو الشباب ...انت تعيش ملك وانا الجارية لك ؟؟؟ قول غير هذا الكلام ...هذا ما يمشي عندي؟؟؟ والحمد لله اذا صار بينا اي سوء تفاهم ...نتكلم بكل هدوءءءءء وبكل ادب ..واحترام

قلت له ..انا ما ابغي المجوهرات ...ابغي بس جواز سفري لان اهلي في بلد ثاني

انا راح اخذ لي غيار واحد بس والجواز...المجوهرات والاولاد خلهم لزوجتك الجديدة

تركته ودخلت غرفتي سويت نفسي ارتب الشنطة

ما لحقت افتح الشنطة الا هو وراي يراضيني .....خخخخخ

ومن بعدها يا استاذ فاغر ...الرجال انقلب حالة 180 درجة

والعلاقة صارت اروع من اول ....

وصرنا نخاف على بعض بشكل مو طبيعي ...والحب مشعلل

وانا الان اقول له ... اذا تبغي تتزوج طلقني ...وخذ العيال ...وانا بروح اجدد حياتي مع واحد جديد
الرجال ينجن اذا قلت له هذا الكلام .... اقول له لا تلوي يدي بالطلاق او انك تاخذ العيال ...هذا ما يخوفني

اكيد طولت عليك

و اتمنى اني اشوف تعليق مفصل على ما كتبت

اختكم فافي