أمة البديع ... دنيا الروح ... كل الغلا ... دكتور حنون ... لحن السعادة ...

مشكورين على المداخلات وإن شاءالله أحاول أطبق شي من اللي قلتوه .. لأن في هذي الحالات يسهل الكلام ... ويصعب التطبيق والله ...

وبالنسبه لأهله وأمه وخواته مو لهالدرجه ... يجون للضروره وطبعا بعد ما يدقون الباب وخلاص راح أمشي على رايكم وما راح أستحي منهم وخل يشوفو اللي يبون يشوفونه ... على رايكم

وعلى فكره نحن في بيت لازم الكل يتجمع ... يعني إذا قعدت كم ساعه في غرفتي طالت الأعين وكثر الكلام من ..... ليش منخشيه في غرفتها ؟؟؟؟ ليش ما تطلع ؟؟؟ 24 ساعه في حظن ريلها ؟؟؟ والذي منه ... لأن هالكلام طلع قبل لا نجيب الأطفال وللأسف زوجي ألحين هو اللي يقولي خلينه نطلع برى نجلس مع العايله .. ما يصير قاعدين في الغرفه كله ... ومن هالكلام ...


للأسف أهله تفكيرهم قديم يعني الست تطبخ وتنظف وتربي العيال ... ماعندهم المره لازم تتعدل وغيره وغيره .. بس طبعا أنا ما أعطي هالشي أي إنتباه وأشوف نفسي ..