اختي

انا زوجي كان مثل زوجك .. يا اسوي اللي هو يبغية والا يزعل

..بعد ما تعبت منه , وكنت احسب الف مليون حساب لزعلة

انفجرت فيه ...طبعا بعد حوالي عشر سنوات او اكثر

قلت له ..ضاعت اكثر من ثلث حياتنا وانت زعلان .. ضيعت علي وعليك ايام حلوة

على شي تافه تزعل يومين ثلاثة؟؟؟ليش

ويا ريت يجي يسأل ليش انت تصرفتي هذا التصرف ...يمكن تكون عندي وجة نظري الخاصة بي اللي اقدر اقنعة بها قبل ما يزعل ... لا .. هو على طول يزعل

كثير من الاحيان ما ادري ليش زعلان.. ويبغيلي خمسين يوم عشان اراضية

واذا جيت قلت له ليش زعلان ... يقول لي اسألي روحك ... ويخليني اموت مليون مرة قبل ما يقول لي وش سبب زعله ... واكتشف انه لو سألني عن سبب تصرفي كان وضحت له وما كان راح يزعل

انت اذا شفته زعلان ... خليك طبيعية ... يعني تعاملي معة ولا كأنه فيه شي

طنشية .. خاصة لما تحسي انك ما قصرتي معة

ومع الوقت راح ينصلح حالة ان شاء الله

اختك فافي