بالفعل هذا هو الكلام المزبوط

حكاية المؤخر مالها أي داعي

اذا طلبتي الطلاق راح يقولك تنازلي

واذا هو اللي كان يبي يطلق راح يطفشك الين تطلبين الطلاق بنفسك ويقولك تنازلي ... خاصة إذا كان المؤخر كبير

يعني بصراحة من خلال هالشرط أحسك إنسانه متشائمة

الرجال جاي يخطبك وانتي تقولين له اذا ناوي تطلقني تدفع ملبغ وقدره ؟؟

وش هالتشاؤم ؟

إنتي داخله على حياة جديدة المفروض تكون نظرتك لهالحياة نظرة تفاؤلية مو تشاؤميه !!

اذا انتي شايفه انك راح تتزوجين وتتطلقين فالأفضل إنك تجلسين في بيت أهلك وبلاش من هالبهدله كلها

الاستمرار والطلاق هذي اشياء بيد الله عز وجل ... اذا ربنا كتب عليك انك تتطلقين صدقيني راح تتطلقين والمؤخر ماراح يعوق زوجك حتى لو كان مليون ريال ... لأن هالشي ربنا كتبه وانتهى خلاص

فلا تظني انك راح تمنعين زوجك من انه يطلقك اذا حطتيتي مؤخر حتى لو كان بالملايين

وبالنسبة للشرط الثاني وهو الزواج فيكفيك قول الأخت Ro0od انك بتحرمين عليه ما أحله الله له

يعني حتى لو ماتزوج عليك انتي آثمه بهالشرط

الرسول صلى الله عليه وسلم لما حرم على نفسه العسل ربنا عاتبه في سورة التحريم بقوله : (( يا أيها النبي لما تحرم ما أحل الله لك تبتغي مرضات أزواجك والله غفور رحيم ))

يعني تخيلي هذا وهو النبي صلى الله عليه وسلم ... فما بالك فينا حنا ياللي مانسوى ظفره

وياليت يا أخت ماتلتفتين للردود اللي تقولك اتمسكي بشروطك ولا تتنازلين عنها

هذي الردود راح تهدم بيتك وهو لسه ما أكتمل بناؤه

وبالنسبة للأخوان اللي يقولون كل بنات هاليومين يحطون مؤخر ... هالكلام مردود عليهم

أنا شخصياً ما أعرف وحده من قريباتي طلبت مؤخر ... ولا سمعت انه احد من أصدقائي أو اقاربي زوجته طلبت مؤخر

وإنتي يا أختي الكريمة سألتيني هل من المعقول اتزوج بورقة بيضا ؟؟

سبحان الله ... يعني مافيه في الدنيا غير هالشرطين ؟؟

اشرطي انك تكملين دراستك

اشرطي انك تسكنين في بيت مستقل

عندك مليون شرط وشرط ... يعني جات على هالشرطين اللي مافيهم إلا خراب البيوت

حكمي عقلك يا أختي وربنا يوفقك دنيا وآخره