اقتباس:
|
المشاركة الأصلية كتبت بواسطة زوج مصدوم
يا جماعـة شكلكم فاهمين الموضوع غلط
زوجتي هي التي أخبرتني عن الموضوع وهي متأثره وطلبت مني بنفسها أن اتزوج إذا أردت بدون أي ضغط مني
يعني لو كانت واثقـه من نفسها وغير متأثره بكلام غيرها كانت لم تقل الذي قالته ..
|
يا أخي إسمع بقول لك شي ما كنت ناوي أكتبه (لأنه موقف شخصي حصل معي لكن أنا ودي إنك تستفيد)
أنا صار نفس الشيء معي
يوم شفت زوجتي الشوفة الشرعية حسيت إنها ملكة جمال العالم
ويوم شافوها بنات العائلة وصلني كلام إنهم قالوا عنها إنها مو حلوة وإني أقدر أتزوج أحلى منها
تدري وش سويت
صرت أمشي بين رجال العائلة وأقول لهم أني أخيراً لقيت الزوجة اللي تملا عيني
طبعا الرجال نقلوا كلامي لنساء العائلة
تدري وش سوت وحدة من هالحريم
قالت لزوجتي إننا ما كنا ندري إن فلان يبي حرمة بالمواصفات هذي (يعني تحاول تدقها إنك إنتي ما وصلتي مستوى الجمال اللي كان يدور عليه فلان)
يوم قالت لي زوجتي هالكلام
قلت لها لا يهمونك هذول كانوا يتمنون أتزوج وحدة منهم وكانوا يعرضون نفسهم على أمي لكن أنا إخترتك لأنك أحلى إنسانة في الكون
إنتهت القصة
ترا ما فاتك شيء, تقدر تسوي نفس الشي مع زوجتك
جرب وصدقني راح ترتاح
__________________
اللهم لا تجعل الدنيا أكبر همنا، ولا مبلغ علمنا، ولا إلى النار مصيرنا، واجعل الجنة هي دارنا، ولا تسلط علينا بذنوبنا من لا يخافك فينا ولا يرحمنا، برحمتك يا أرحم الراحمين