أهلين فوفو
الصراحة ذكرتيني بحالي
أنا كمان زوجي متل زوجك وكمان أنا بغربة
يعني من الوحدة اللي أنا فيها كل شي عندي أقوله عليه
وهو ياناس انا عايش لوحدي
والله يافوفو لما كنت حامل لما كنا نروح الدكتورة طبعا أنا ماكنت أفهم ألماني أبدا
نخرج من عندها أقوله شو قالت يقولي ولا شي مافي شي كل شي طبيعي
وبعد يومين ألاقيه يقلي عندك اليوم موعد عشان السكر
ولا عشان يشوفوا الولد وتحاليل
أقله اتصلوا عليك يعني
يقلي لما كنا عندها قالتلي
يكون رايح على محل عشان يشتري شي ضروري
يتأخر ساعة ساعتين اتصل عليه وينك ؟؟؟
يقولي مالقيته في المدينة عنا سافرت على مدينة تانية عشان أجيبه
طيب قولي أنا أخاف عليك لما تتاخر
يقولي هادا اللي صار بدك تتضاربي عشان هالشي
والله من أول شهرين رفعت الراية البيضة وماعدت سألت ولا اتصلت ولا شي
والله يافوفو بيروح على شغله 9 ساعات إذا مااتصل هو علي أنا مالازم اتصل غير إذا الأمر حياة أو موت
هههههههههههههههههههههههههههه تعودت وانتي لازم تتعودي
أنا صرت بالإجازة الإسبوعية أحاول على قولة الأخ فاغر أجرجره بالحكي لحتى أعرف آخر أخباره
وهالشي خلا عنا احاديث مفتوحة دائما في الإجازات
يعني كل أسبوع تحقيق بظن ممكن يتحملها الرجال
الله يعينك ويعيني والله أنا ماقدرت حل هالشي غير بالتطنيش وعدم السؤال
وعلى آخر الإسبوع بعرف كل
وعلى قولة أخواننا المصريين ياخبر اليوم بفلوس بكرا يبقى ببلاش
دمتي وأسرتك بحفظ الرحمن
تحياتي
__________________
ياسوريا سامحينا *** والله حقك علينا