لا مو فعلاً أن الحريم ماينعطون وجه
وحرام هذا الكلام
أبسألك أخي
أمك ماتنعطى وجه أختك ماتنعطى وجه
ياأخي ممكن أسالك لو تزوجة وربي وفقك بزوجه صالحه وتخاف ربها فيك وقايمه بواجباتك كلها
بس يمكن في بعض العيوب فيها والي هي قابله لتعديل ماراح تعطيها وجه
للاسف هذا الكلام دايم أسمعه من الرجال ووينصحون بعض لاتعطيها وجه خلك شديد وريها العيون الحمراء ................الخ
الرسول صلى الله عليه وسلم يقول (رفقاًبالقوارير)
ماقال الحريم ماينعطون وجه
ولنا في رسول الله قدوه حسنه
والرسول صلى الله عليه وسلم قال:الكلمه الطيبه صدقه..
يعني لوبكره تتزوج وتحس أن زوجتك مقصره معك أو فيها صفه او طبع مو عاجبك أو حتى تعاملها معك ماهو مريحك خلاص توريها العين الحمراء
طيب وين الرحمه وين حسن العشره وين الاحترام
طيب وين التفاهم وين الحب في المعامله أنت ربان السفينه لازم تقودها بأنسانية عشان تحافظ على ركابها
وتوصلهم بعلمك وحكمتك لبر الأمان
صدقني الوحده أذا حست بالتقدير تعطي أكثر وتنتج أكثر
مثال:
يعني أنا بكره لو زوجي يجيه ضيوف وأقوم فيه وفي ضيوفه وأبيض له وجه
وأشوف منه نظرة تقدير
وكلمه حلوه راح انسى تعبي بثواني
ويكون عندي القدره اعطيه أكثر
لكن لو كان العكس راح يجيني احباط ويقل عطاي من غير شعور مني
أخي
هذا كلام غلط ومو منطقي
لان المراءة بعد أنسانة تحس ولها مشاعر زي الرجل
ورساله بعد مني لكل من يفكر كذا ويقول كذا وأن الحرمه ماتنعطى وجه تراها ماهي رجوله بل نقص في نفسه ورجولته وانسانيته


وشكراًلك على طرحك للموضوع وهذا راي
وياليت أكون وصلته صح
تحياتي،،