أختي ..


اليوم بتسكتين على البطاقه والمصروف وفوقهم الذل والأهانه وبكرا بيتزوج عليك من فلوسك وأنتي سكوتك مستمر ..

من شو خايفه !! أسئلي نفسك هاذا السؤال من شو أنا خايفه ؟

يعني ما يكفي أنه أنتي متحمله أغلب مصروف البيت من تعبك وشقاك ولا بعد مسويه له مصروف خاص وفوق هاذا حاطك بين أربع جدران أنتي واثنين من أطفالك ويطالب بالثالث !!

أسمحيلي أختي هاذي مب حياه .. أنتي بالنسبه له مصدر رزق .. يعني هاتي عيال وهاتي فلوس ومالك شي عندي الأ بمزاجي ..

وش هالحياه .. تصبحين من الفجر كل يوم دوام وشقا علشان تعيشين مرتاحه وتنعمين بهالحياه وتعيشين مثل العالم وفي الاخير ياخذهن بارد مبرد ومالك شي فيهن ؟؟

لو منك بسأله وين تودي الفلوس على شو تصرف راتبك وباقي راتبي .. هل هو يوفر على قولة بعض الأخوان ؟؟ اذا يوفر ممكن ما نلومه بس اذا يحرمك انتي وعيالك عشان نفسه وأصدقائه هاذا ما يرضاه لا شرع ولا دين ..

هو الملزوم بالبيت وبكسوة عياله وكسوتك أنتي .. مب أنتي تطلبين هالشي من مالك الخاص وبعد يحرمكم !!

لا تسكتين له ولا ترضين بالأهانه أكثر .. أولا راتبك لازم يكون في يدك واذا تكرمتي وأعطيتيه بطيب خاطر جزء منه بيكون فيه أجر لك .. لو أنه كان محتاج .. بس هاذا راتبه كله في جيبة حتى عياله حارمنهم المصروف منه لشو بيحتاج بالله !!

بعدين اذا كان بيوفر الأولى يريحكم ويوسع عليكم سكنكم مب يحرمكم من كل النواحي يعني أقل شي لو ما وده يطلع عن أهله يوفر مبلغ ويبني لكم جناح خاص أو أقل شي غرفه ثانيه لعيالكم ..




بس أختي انا أتوقع أنه ما تمادى الا لأنه شاف شخصيتك أنتي ضعيفه وما تقدرين تواجهين ..

لو أنا في مكانك ووصلت لهالمرحله أن عبايه مب قادره افصل وأنا راتبي فوق ال 6 ألاف والله ما اسكت وأهدده بأني بستقيل وبقعد في البيت مرتاحه وبقوله ترا الحال واحد مسكت راتب ولا ما مسكت ..

بقوله أنا يوم قررت أبيع راحتي وأتوظف وأشتغل علشان أحصل في المقابل مال .. توظفت علشان هالمال يغنيني عن الحاجه ويغنيني أني أمد يدي لغيري ..


وبقوله الرجال أنت مب انا .. أنت الأولى أنك تصرف على وعلى عيالك .. ( ولو منك أسويها صدق وأخذ أجازه بدون مرتب سنه مب علشان يحس لا علشان تعرفين قدرك عنده والي أتوقعه في باله هو يربطه بالراتب .. يعني هدديه بحرمانه منه بيرضخ لك ..


ولو هاذا كله ما فاد دخلي أبوك في السالفه ولا تسكتين ترا العمر واحد ليش أعيشه بقهر واحرم عيالي ويمكن بكرا يتزوج علي ومن مالي وانا الي عشت محرومه وأضحي على أمل بيجي يوم بيريحيني ..