الرجال يفكرون انه الظلم بس نوع واحد لكن ماعرفوا انه الظلم انواع

الله يعينك اختي Eman007

انا زوجي ما كان يصرف علي من بداية الزواج وعلى العموم انا ما طولت عليه كثير وانا راتبي اكثر من راتبك وراتب زوجي اكثر عن راتبي الحمدلله على النعمه -- المهم من بداية الملكة وهو عينه على راتبي ولما تزوجنا من بداية الايام يكلمني عن الفلوس -- اخرتها لعب علي لعبة لانا نحن الحريم طيبات وخلاني اصرف على نفسي واصرف على البيت وادخر معاه -- يعني صرت انا الرجال مو هو --- لكن انا حاولت اشوف اخرتها معاه -- كان يتحكم في كل مصروفي وانا اساعد اهلي بالمصروف رغبة مني مو لان اهلي عينهم في راتبي -- وكان يعتبر ها الشي مو من حقهم -- ياخي انا الى اتعب مو انت -- شو خصك اصرف راتبي وين - واهلي اصرف عليهم مو زيك انت عايش وماكل وشارب في بيت اهلك ولا تشارك بالمصروف -- وانا كنت ساكنه في بيت اهله مثلك واهلي هم الى يشلون مسؤوليتي -- والحبيب ماله خص فيني ما يوديني الدوام ولا يوديني المستشفى ولا شي -- يعني زوج على شو ما ادري -- على نزف فلوسي وبس؟ -- الهم قعدت وياه كذا شهر ولا قدرت استمر اكثر


نوعية زوجي من اللي يفكرون في المستقبل بشكل كبير لدرجة انهم ابدا ابدا ما يستمتعون بالحاضر -- وها النوعية نوعية غبية -- صح لازم نخطط للمستقبل لكن انته شو ضمنك عايش ابد الدهر؟ يعني استمتع في حياتك


انا الحين اصارع عشان افتك من ها الانسان -- وطبعا لانه هدفه مادي -- بطلب خلع وعلة طول بيطلقني بس اخاف يكسر ظهري بالمبلغ الى ما يخاف ربه