حبيبتي
والله مو عارفة شو احكيلك
بس توكلي على ربنا
وان شاء الله بتنحل كل مشاكلك
والله بيهدي زوجك
اهم اشي روحي لبيتكم عند بنتك ولا كأن اشي صار ولا تفكري تلجئي لحد غريب حتى لا يستغل ظروفك
وبالنسبة لاهلك
عندي ملاحظة واحدة
لا تخبري زوجك اذا اهلك اسائوا التصرف معك
لانها بتصير نقطة ضعف بيمسكها عليكي
خلي اهلك عند زوجك انهم ما بيقصروا معك وانهم افضل ناس علشان ما يعايرك فيهم ويعرف انهم ساندينك ويحسبلهم حساب
ماشي حبيبتي ؟؟؟؟؟؟؟؟؟؟؟ ماشي
نيجي للنقطة التانية وهي الاهم كيف تصلحي جوزك وهاد الاشي مهم كتير
حاولي مع زوجك بس بطريقة غير مباشرة يعني ابتعدي عن النقد ولكن حاولي توجيهه يعني صلي قدامو افتحي القران احسني بتعاملك معو وحسسيه انك بتحبيه وشوي شوي اكيد رايح يتأثر بجو البيت
اذا شفتيه مروق احكي معو عن عذاب القبر وعقوبة الشرب وووو ( بس اهم اشي التوقيت الناسب والبعد عن النقد المباشر )
نرجع لاهلك زوريهم لكن لا تتحدثي كتير عن مشاكلك مع زوجك لانهم واضح انهم ما عندهم حل الك بالعكس هم خايفين انو تزيد المشاكل وبدهم ما ينخرب بيتك وهدا الاشي عبرت عنه امك انها ما بدها اياكي ترجعي عندهم ( المعنى اللي ما حكتوا انك تستقلي ببيتك وما تخربيه ) فهمتيني !!!!!!!!!!
ونصيحة مهمة كتير : ادعي بالثلث الاخير من الليل واكثري من الاستغفار وكوني مع الله كيفما يريد يكن معك كما تريدين