اختي قهر اسمحي لي ما دخلت الا متأخرة وتوني اقرأ الرد


اختي ...........قريت كل اللي كتبتيه وفهمت من كلامك ياوخيتي ان زوجك يحبك وانتي غالية عليه جدددددددا


والدليل سمح للعيال يروحون وياك لأهلك ...........وما عاند رغم انه قال لك تروحين بدونهم


والدليل الثاني دائم السؤال على العيال


والدليل الثالث غيرته الشديدة وخوفه عليك ورغم الزعل الا انه يبي يحميك من اللي يتصل ويأدبه


اختي هو يحبك وقلبه عليك ............لكن تلقين كبريائه مانعه انه يجيك


مبين عليه عنيد وراسه يابس


اختي هو يحس انه لو رجعك هو ذلة له ..........وانتي شو بتستفيدي لو ذليتيه


هذا زوجك حبيبك مو المطلوب مذلته وانما المودة والرحمة والحب


مثل ما قالوا لك الخوات مو انتي الوحيدة اللي يصير معاها اللي صار لك سب اوشتيمة ولا حتى ضرب


بس الحريم يصبرون خاصة اللي تحب زوجها وعيالها ولا تخلي للشيطان مدخل ليهدم حياتها


اختي انتي اللي طلبتي من زوجك يوديك لبيت اهلك .........ويفرق لو انه هو وداك أو انتي طلبتي منه


علشان كذا هو ما هانت عليه نفسه يجيك تلقينه هو بعد مقهور منك اشلون ما صبرتي عليه وتحملتي عصبيته واشلون ضليتي حاقدة عليه اسبوع وبعد الأسبوع تقولين له ودني بيت هلي .........صعبة عليه .............تلقينه كان ناسي المشكلة .........وانتي تفتحين الملف وتزيدين اتعقدين الأمور


أعلمك ترى الرجال كذا يخطؤن ويبون من الزوجة تسامح وتعفوا وتصلح في هالزوج


انتي كان تسكتين عنه وبعد بوقت تعاتبينه بطريقة واسلوب تخلينه يندم انه قال لك كلمة جارحة


اقري موضوع الفداء مع الماسنجر ومواضيعه الثانية وشوفي اش كثر زوجته تصبر عليه ومتحملته


لكن أكيد هو يعزها ويغليها وتزيد مكانتها في قلبه لأنها تصبر عليه وتسامحه على زلاته


ترى الرجال وقت الغضب ممكن يطلع منهم اي شيء والمرة الذكية هي اللي تعدي وبعدين بعد ما يهدأ الوضع تاخذ حقها بالمكر والحيلة والدلال والغنج ودمعتين وووو..... من كيد النساء


اختي العزيزة ................ترى ما في شيء اسمه كرامتي بين الزوجين صدقيني زوجك هو سترك وغطاك وانتي ستره وغطاه


اللي بين الزوجين عطاء وحب ولا تنتظرين يعاملك بالمثل ............ممكن يعاملك في نفس الوقت او بعد بوقت



اختي الحين وعلى أساس اللي شرحتيه لنا أنصحك تتصلين عليه


وتقولين له خلاص حبيبي يكفي فراق يكفي عذاب كل واحد منا يعذب الثاني والشيطان مستانس .........يالله نخزي الشيطان ونرد لبعض وهذي أنا امد لك ايدي نرجع لبيتنا الغالي وتسامحني واسامحك ونطوي الصفحة ونفتح صفحة جديدة ........


واذا تعرفين تعبرين احسن مني بعد اكتبي له او كلميه ...........وترى طريقتي ما فيها ذلة لك ولا له وانما توحي ان كلاكما اخطأ وان الصواب العودة لبعضكم لتخزون الشيطان

بكذا تحافظون على كرامة كل واحد فيكم من الأذى ............


ترى الحل بسيط ان شاء الله .............ولكن صلي ركعتين وادعي بسجودك ان الله يهديك ويهديه ويجمع شملكم على خير

والله سبحانه وتعالى بيهديك للطريقة والأسلوب اللي تستردين زوجك وتعودين اليه


لا تيأسي طرشي له مسجات عتاب وحب وشوق وحنين ........دوخيه


وصدقيني بيجيك مستسلم ..............


سوي اللي كلمتك عنه وان شاء الله يصير خير .............وخبريني بالنتايج


وان شاء الله نحاول نساعدك وبدعي لك من قلبي ربي يجمع بينكم على خير ويؤلف بين قلوبكم ويحببكم ببعضكم ويجمع شملكم ولا يفرقكم عن بعضكم ابدا اللهم آمين .