ألى الأخت العزيزه الغاليه توت بري بعد التحيه والسلام يمكن أنا رأيي يختلف عن كل اللي قبلي فلأني وفيه جدا ومخلصه في تعاملي مع كل أهلي وأصدقائي وزوجي لذلك أتوقع من الكل أن يبادلني الأخلاص والوفاء وأكره صفه عندي اللي ما أقدر أسامح فيها أبدا هي الغدر والخيانه اللي المفروض أنها ليست من صفات المسلمين فما بالك أذا كان في هالخيانه ارتكاب كبيره محرمه مثل الزنا وأنا استغرب ليش كل وحده تقول أشوف أنا ايش مقصره فيه وأصلحه هو مو عيب أن الواحد يصلح عيوبه لكن هل تقصد هالزوجه اللي تقول كذا أن زوجها ما فيه ولا عيب مستحيل يكون أحد كامل ومع ذلك الزوجه تتحمل وتصبر عليه وما تخون مثله وهو أسرع ما عليه وراح يخون يعني بالعربي أنا شخصيا لو لا سمح الله يحصل هالشئ معي ما أسوي أي شئ كل اللي أطلبه ببساطه يطلقني لأن اللي يبيع ويخون مستعده أبيعه برخص التراب وما يهمني أي شئ فلينهد هالبيت على اللي فيه فليزداد عدد المطلقات في هالمجتمع
ومثل ما قلتي لو كان العكس هو اللي صار المرأه على طول على بيت أهلها على الرغم من أن الله سبحانه وتعالى قد ساوى في القصاص لمرتكب هالجريمه القذره بين الرجل والمرأه ولم يقل المرأه تذهب ألى جهنم وبئس المصير والرجل يبقى يتمتع في هذه الدنيا ويزني ويزني مرة تلو الأخرى وفي الآخره له الجنه ولكن كل هذا بفضل هالمجتمع الذكوري اللي يقدس الرجل ويحتقر المرأه ويظلمها فليسقط الظلم فليسقط كل خائن خصوصا الرجال لأن ما فيه أكثر منهم في هالمجتمع
قد تقولون أني أقول هذا لأني لا أحب زوجي لكني أحبه بس ساعتها مستعده أنزع قلبي من صدري وأدوس عليه بقدمي مقابل كبريائي وكرامتي
آسفه على الأطاله وشكرا أختي توت بري