والله حبيبتي حزنتيني عليك
الله يكون بعونك..ويفرج همك..
وحسبنا الله ونعم الوكيل..,ش هالبنات اللي يسرقون الكحل من العين..
بس إنتي تقولين إنه عنده (عشيقه) وهذي قمه
الخيانه..وهو يخدع رب العالمين ولا نفسه..!
أنا عندي لو إنه متزوج ثانيه أحسن له..
(لاتزعلين بس هذي بالحلال مش داخل ع الحرام)
حبيبتي ماعندكم رجال من العايله(أبوك-أخوك-عمك...) أي أحد
يوقف بوجهه ويعلمه كيف يتصرف مع بنات الناس..
من رأيي خذي رقم هالبنت اللي يكلمها..وعطيه لواحد من أهلك يطلع إسمها
ويعرف عنها كل شي..علشان لما يكلمونه يكونون مطلعين على كل شي
وخلي يكون في معلومك إن أغلبية الرجال اللي كذا يمكن يصحى ضميرهم
في يوم ويتحسفون ويبدأون يقارنون بين زوجاتهم وبين خطأهم..ويتحسفون
والله حبيبتي اللي عندي قلته..بس الأهم من كل هذا في خطوات تجي منك
مب منغيرك..وهي علاقتك برب العالمين..تذكري إن الله إذا أحب عبد إبتلاه..
جربي هالخطوات وإن شاء الله بتدعيلي..
1-كثري إستغفار..
2-كثري من الدعاء وخاصه في جوف الليل..
3-خليلك ورد من صلاة الليل وقولي كل اللي بخاطرك لرب العالمين..
4-شغلي قرآن كثير بالبيت وإقرأي سورة البقره دايم..
هذا ما أستطيع تقديمه..
فرج الله همك وأعانك على مصيبتك..
وياااارب يسخرلك زوجك..