عليكم السلام ورحمة الله وبركاته

هدي بالك ياأخوي وصدقني كل هم في الدنيـا يفنى مثل السعادة التي لاتدوم

إنت ماأنت محتاج طبيب نفسي ولايحزنون

وضعك طبيعـي آمـال وأحلام عشتهـا وفجأه إنتهي كل شيء ونهاية مؤسفة

شيء طبيعي إنك تحزن وتضيـق وتكره كل شيء وماألومك

لكن متى طالت هذي الحالة ووضعك تغير للأسوء أكثر هنـا اللوم عليك

مقدّرة جدا ً إحباطـك وحزنك لكن مو حل أبدا ً إنك تخليها تأثر أكثر من اللازم على نفسيتك

ولاتقول مش بيدي !!

كل شيء بيدك إنت بعد الله ، حاول تتغير لأنه ماأحد راح يغير اللي فيك إلا إنت

ولا حتى تنتظر حل من أحد غير نفسك ، لاتستسلم وأنا أختك ترى كل اللي فيك

زاده عليه الشيطان لأنه إستغل ضعفــــــك وخلاك ترجع للدخان وغيره

وبكره لو تستسلم ماتدري وين بيوصلك لأنه ماراح يرتاح لحد مايشوفك إنتهـيت فعلا ً

الحياة ماإنتهت والفشل مش معناته نهاية الحيـاة

لازم تساعد نفسك بأقل الأعمال وأولها تغير إسمك الحيــــــــاة ماتوقفت على طلاق

حتى لو كان هذا الموضوع فعلا ً يستاهل لكن وين إيمانك بالقضاء والقدر

ربي كتب لك إنك تختار ومايصيب إختيارك وتنتهي حياتك الزوجية فقط وليست الحياة بكبرها !!

إنت ماشاءالله عليك رجـــــل وتعرف معنى رجل بمجتمعنـا

يعني لك خيـار إنك تختار وتبدأ من جديد متى مابغيت وربي وفقك

قارن نفسك لو كنت بنت وصار لها اللي صارلك كيف بتكون حياتهـا

لازم الإنسان ينظر لمن هو أقل منه بكل شيء علشان يرتاح بحياتـه ويطمئن بالله وبقدره

إنت تقولي كان حلمك فتاة متدينة ماتسمع حتى أغاني وهذا دليل إنه الخير كثير فيك والله يبارك فيك

وين راح إيمانـــــــــك ؟ وين راح حرصك على دينك ؟ من أول تجربة فاشلة بحياتك

تنهي كل شيء وتحس نفسك فقدت كل شيء

مش صحيح أبدا ً إنت تتوهم وتحسب نفسك لو زعلت أكثر وكرهت الناس أكثر إنه راح يتغير وضعك

أبدا ً حزنك وكل شيء سويته ماراح يغير شيء بحياتك بالعكس راح يدمرك شوي شوي

مالك إلا ربــــــــــــك ياأخوي هو اللي أعطاك وهو اللي أخذ منك

حاول تضغط على نفسك وماتعطيها مجال إنها تأثر على تفكيرك سلبيا ً

لاتجلس كثيييير لوحدك إختلط مع الناس اللي فيها الخير علشان يعاونونك

على الأقل هذه الفترة لأنها صدقني مدة وراح تزول وراح تتذكر كلامي بإذن الله

إذا جيت تبشرنـا بخبر زواجك ومثل ماإنه فيه بنات مش متدينات فيه أكثر متدينـات

وفيه أكثر بكثير بنات يقدّرون ويحترمون وبإذن الله ربي بيرزقك باللي تعوضك كل شيء

بس إنت لا تيأس ، الدنيـــــــــا بكبرها فانية فكيف بـهم وقلق مر عليك

كلنا والله نشاركك الهموم ومايعلم فيها إلا الله لكن نحاول قد مانقدر إننا مانجعلها

سببا ً إنها تغيرنا للأسوء على الأقل إذا إنك ماكسبت شيء بالدنيا خسارة ماتكسب آخرتك

أوصيك ونفسي بالصـــــلاة ، قم توضأ وصلي لربك ركعتين والناس نيـــــــام وشوف كيف بتتغير

نفسيتـك ولا تدري إطلع لحالك مثل ماأنت تطلع برى المدينة وصلي في البـــــر تحت سماء ربك

وبإذن الله ربي مايخيب رجـاء عبده ، أتمنى أكون أفدتك ولو بالقليل وأعيدها مره ثانية

ترى الكل هنا فيه من الهموم ماتكفيه وماأكتب الكلام هذا إلا لنفسي علشان أقويّها معكم

والله يفرج همك ويكشف ضرك ويبعد عنك الشيطان ويفرج هموم المسلميــــــــــن .