قدر الله وماشاء فعل انت استخرت الله وهذه خيره الله اتكرهها ؟؟
تبي نصيحتي وانا اختك مالك علاج ولا حل لنفسيتك الا بقربك من الله وصدقني الله يبتلي الانسان على قدر ايمانه فلا تخلي البلاء يخرجك من الصبر للجزع وتتنكس حالتك وكانك تقول مافي شي احسب حسابه
لا يا اخوي انت انسان قوي ومؤمن وعارف ان كل شي بيصير في هالدنا لنا مسيرين مو بمخيرين ولا كان اخترنا لنفسنا احلى الطرق ولكن ليبتلي الله مافي قلوبكم وليمحص مافي صدوركم
صدقني وراح تتذكر كلامي في يوم راح تجيك بنت الحلال الي تخاف الله فيك وتسعدك وتحفظك باذن الله وراح تضحك على هالايام الي انت فيها الحين بس الصبر زين وخل ايمانك بالله قوي
وصدقني لا الشيشه ولا الدخان ولا المعسل بيشيلو همك لا والله بيزيدوه لكن اتركهم وتذكر ( ارحنا بالصلاه يا بلال ) توضا متي ما ضاقت نفسك وصلي وقل يا هم عندي رب كبير واحسن ثقتك في الله
ودايما ما تضيق الا لما تفرج بس ربنا بيشوف انت وش تسوي فلا تخلي ربنا يشوفك بها الانهزاميه والضعف ولكن كن قويا بالله
صدقني مهما لفيت الدنيا تبي شي يريحك ما راح تلقى السعاده ببعدك عن الله واحذر ان يخيل لك الشيطان اعمالا فتنقلب عليك العواقب
اسال الله ان ييسر امرك ويشرح صدرك ويهيا لك من امرك رشداا
اللهم امين ولا تزعل من كلامي انما هي نصيحه لوجه الله