منتدى عالم الأسرة والمجتمع - عرض مشاركة واحدة - عاشقات حلم الامومة (ديسمبر 2006

08-04-2007, 06:31 AM

RoOoD

كبار شخصيات المنتدى

تاريخ التسجيل: Dec 2003

المشاركات: 2,885

السلام عليكم ورحمة الله وبركاتهـ ,,

استغفر الله العظيم انا حالتي النفسية مرهـ سيئهـ ,,

كنت بطرح المشكلة بموضوع لكن قلت دامكم اللى معاي من البداية بكتب بالموضوع ,,

بعد ما شرفت الهانم هذا الشهر وفي مشادهـ كلامية مع زوجي قلت لهـ يروح يتزوج ,,

طبعا ً قعد مايكلمني كم يوم أنا صراحة ماعدت مستحملة هذا الاسلوب وهذي النظرات ,,

حتى نبرة الصوت فيها شفقهـ واحس دايما ً انهـ مجبر انهـ يستحمل انهـ مايشوف اولادهـ والله تعبت ..

وأهلهـ حالهم زايد والتجريح صار بدون حساب ,,

والله بديت افكر جادة ادور لهـ على زوجة او انا نفسي اتطلق والله ماني مستحملهـ ,,

يعني يقول بيصبر معاي عشان الحب لكن من كلامهـ الأخير حسيت انهـا شفقهـ وعشان ما يطيح من عيني ..

ويلومني اني بالفترة الاخيرة ماصرت مهتمة بالموضوع ..

واني ماعدت افكر بالاطفال ياناس حملت 5 مرات وسقطت ..

وبعدها رجعنا مكان ماكنا ماصار حمل لمدة سنة وأكثر طيب مو بيدي الموضوع ,,

طيب يوم كنت مهتمة وعلى شفير الجنون كان يقول اني مزوداها وان اللى اعملهـ مالهـ داعي ..

سامحوني على الاطالهـ بس والله ماعمري اشتكيت لأحد عن هذا الموضوع وقلت مافي غيركم ..

والله يرزقكم ويرزقنا عاجل غير آجل يارب سألتكـ بأسمائكـ الكريمة وصفاتكـ العلا ان لا تردني خائبة ..

اللهم ياحي ياقيوم يامعطي يامغيث يارحمان يارحيم أرجوكـ ان ترزق اخواتي وترزقني ذرية صالحة من لدنكـ ..

يامن اعطيت ابراهيم اسحاق اعطنا ذرية صالحة عاجلا ً غير آجل اللهم آمين اللهم آمين اللهم آمين ..

والله يسعدكن ويوفقكن دنيا وآخرهـ ويسكنكن الفردوس الاعلى انتو ومن تحبو ..