منتدى عالم الأسرة والمجتمع - عرض مشاركة واحدة - عاشقات حلم الامومة (ديسمبر 2006 - يونيو 2007)
الموضوع
:
عاشقات حلم الامومة (ديسمبر 2006 - يونيو 2007)
عرض مشاركة واحدة
09-04-2007, 03:02 AM
#
512
لونا الجميله
عضو نشيط
تاريخ التسجيل: Mar 2007
المشاركات: 187
عزيزتي رود ....
كل كلمه قلتيها انا حاسه فيها بس اتمنى انك تكوني اقوى شوي لان اذا تعبت نفسيتك مو زين علشانك يمكن يأثر عليك زياده ...
حبيبتي والله قعدت 6سنوات وانا كل مره تجي فيها الدوره ابكي واتعب نفسيا وبعدين جلست افكر ليش الوم نفسي هذا شي ربي مو كاتبه لي الحين اكيد انه خيره لي ...وتهدا نفسيتي واكون متفائله
وحتى زوجي كنت احس انه يشفق علي نفسك بس صدقيني الازواج اغلبهم واعي وما يفكر نفس ما نفكر احنا لانهم يعرفون انه مو بإيدينا بس المشكله الكبيره كانت مشكله اهل الزوج الي مايرحمون ولا يكون عندهم ذره احساس ومشاعر والله كنت اسمع كلام يسم البدن ويبكي الحجر والله كنت اذا رجعت بيتي اجلس ابكي وادعي الله ينصرني عليهم لانهم كانو يقولون لزوجي يلا تزوج وقدامي عيني عينك بس الحمد لله انه كان يردعليهم ويقولهم الاطفال رزق من عند رب العالمين مو عند زوجه ثانيه ..
وبعد هذا الله من علي وحملت ورزقني وسهل امري وان شاء الله الله بيرزقك ويسهل امرك وتفرحين يا رب العالمين يا ارحم الراحمين...
انا اسفه اذا كنت طولت بس حبيت اذكر لك قصتي حتى تتشجعي وتكوني قويه و تعرفي ان الله اكرم من كل البشر والله بيعوضك ويصير تتذكرين هذي المواقف المحزنه ماضي اهم شي كوني متفائله انت وزوجك ولاعاد تجيبين سيره زواج وخرابيط
....
حبيبتي رود اتمنى اني كنت خفيفه عليك وهونت عليك وما ثقلت ....
يارب يرزق الجميع بالذريه الصالحه وتقر اعينهم بها يا ارحم الراحمين ...........
لونا الجميله
مشاهدة ملفه الشخصي
البحث عن المشاركات التي كتبها لونا الجميله