السلام وعليكم
أنا اليوم صارلي موقف ومحتاجة تقولون أنا خطأ اللي سويتة
اليوم كان عندي تسليم برزنتيشن وأنا أكره شئ في حياتي أني أِشوف أنسان يمضغ اللبان أتنرفز تلوع جبدي من الحركة هذي
وكانت زميلة لي تمضغ البان وتفرقع في صوت مسموع والمكان مختلط فأنا صراحة تحملت عشر دقائق بعدين أحاول أمسك نفسي ولكن ما قدرت رحت وقلت لها لوسمحتي مايصير تأكلين اللبان بطريقة هذي ترى عيب ما يصير المكان مختلط
فردت علي لا أنا ماشوف أن فيها شئ
صراحة تنرفزت من ردها
ما قدرت أتحمل وقلت لها هذا غلط وعصبت وقعدت تقولي أنتي مريضة نفسيا اذا هذي الحركة تنرفزك وسلمت أوراقي بسرعة وطلعت فهل أنا بنظركم مريضة نفسيا لأني ما أحب مضغ اللبان
أنا أشوف اللي في بيتها وتمضغ اللبان كيفها بس في مكان عمل ومختلط وتمضغ اللبان هذا عيب مو بس غلط
أنتو شنو رايكم من اللي صارلي