أخواني أخواتي أمس في الليل كنت عند أهلي سهرانة فأتصل فيني قال أنو بيروح البيت أول عنده شغل على النت بيخلصوا بعدين يجي وياخدني عشان الأولاد مايزعجوه بصراحة خفت لأني حطيت الموضوع على المفضلة وكمان فرحت عشان يمكن يقراه وأرتاح المهم جا أخذني بعد ماخلص شغله ووجهه مبتسم
أسغربت شكله مــاقراه ؟
ماطول عليكم لما رجعنا البيت قعد يحكي عادي ويلعب مع الأولاد وبعدين قلي نيمي الأولاد وأنا مستنيكي ماحنام .. نيمت الأولاد وجيت عنده قلي كده يانور قلتله أيش فيه؟؟
هوا : كده تقولي لو مابينا أولاد تسيبيني أهون عليك ؟
أنا:ماني فاهمة عل أيش تتكلم
هوا:أتكلم على الرسالة إلي شفتيها في جوالي وماجيتي سألتيني أبغا أفهم ليش تحبي الشيطان يفرح ؟
أنا:كيف يفرح يعني أيش تبغاني أسوي لما أشوف رسالة حب في جوالك لوحدة أنبسط وأسوي حفلة
هوا:لأ ماتنبسطي تجي تسأليني أحسني الظن فيني
أنا:طيب أنا دحين أسألك مين هادي ال.........
هوا:ماعرف
أنا:أبتدينا الحركات
هوا:والله ماعرف ولو ماقريت في رسالتك أنها بنت ماكنت حعرف الحكاية أنو هادا الرقم أزعجني كل يوم رسالة حب ولما أدق عليه عشان أعرف مين ماحد يرد أو يعطيني مشغول ففكرت أنو يمكن وحدة من بنات أختي فأرسلت الرسالة وبعين أتصلت على وحدة منهم أتأكد في وحدة غيرت جوالها وقاعدة تسوي فيا مقلب قالوا لأ وأنتهى الموضوع بس أنتي الله يهديكي متسرعة اسأليني ماحخبي عنك أنا ماسوي شي حرام ولو أبغى غيرك بتزوج وأنتي عارفة
طبعاً أنا ساكتة ودموعي غزيرة وقلتله وأش معنى ردت عليا ؟؟
قال حظي عشان تكرهيني عشان تفرحي الشيطان يلا قومي غسلي وجهك وتدخلي النت بكره زي ماقلتي عني كلام مو حلو تصلحيه بس الموقع عجبني شكلي بشترك أنا كمان ونستفيد ونفيد ..
أسفة طولت عليكم بس حبيت أنقلكم إلي صار بالحرف الواحد والحمدلله أنا مبسوطة الحين ومرتاحة وأحب أشكر كل إلي رد عليا أوحتى مر وقراها ومن جد منتدى رائع
ومشكــــــــــــورين
__________________
