شوف اخوي اعطي كل ذي حق حقه

زوجتك ربما لديها مخاوف من انهن يزوجونك مرة ثانية .......هي الحين متحسسة منهم وفاقدة الثقة فيهم


الشيء الثاني اذا رحت حق خواتك وهذا حقك تخبرهن ما لهن علاقة بزوجتك وتعلمهن انه اللي يجرح زوجتك يجرحك واللي يزعلها يزعلك واللي يرضيها يرضينك هذي مرتك رفيقة دربك وام عيالك والمفروض هم يحسون بمدى حبك واحترامك لها ...........


زوجتك روح عندها وبيدك باقة ورد جميلة من اللون الأحمر والأبيض ومنسقة ومعاها هدية كانت تتمناها وروح وحبها على راسها وقول لها حبيبتي انتي حياتي وعمري ارجوا تفهميني انتي الغالية وغالية جدا بعد على نفسي وانا يزعلني اللي يزعلك ويسعدني اللي يسعدك وانا ما اسمح لأحد يهين كرامتك كرامتك كرامتي ........واللي يحبني يحبك بالأول .........لكن هذي خواتي ترضين لي غضب رب العلمين .......وترضين لنا محق البركة .......وترضين ان الله يقطعنا عنه .........بتقول لك لا واذا ما قالتها هي لا تريد لكم السؤ

عندها قول لها انا اصلهم لله ..........ولن اسمح لهم يخربون بيني وبينك ابدا ولن اسمح لهم يذكرونك الا بكل خير ثقي وتطمني ياحبيبتي ...........

وعندها سترى كيف انها ستطمئن ولن تؤخذك على صلتهم ........

ولو بعد تقترح عليها تزورون خواتك مع بعضكم اقصد انت وياها .........وتقول لها خيركم من يبدأ بالسلام وسامحي واحتسبي الأجر عند الله وعلشان خاطري ومن هالكلام خير وبركة .........

اخوي انصحك تكون حكيم وذكي ولا تخلي احد يأثر عليك في ظلم الناس انت ظلمت زوجتك وسمعت خواتك يوم تزوجت عليها وووو.............

حافظ على بيتك وأهلك ولا تجعل شياطين الأنس يخربون حياتك .