من حقك تتزوج ثانيه وثالثه ورابعه لكن مش من حقك تستخف بمشاعر الغيرة عند الزوجه الاولى والاستغراب الفظيع منه بالشكل الغريب ده
فى رأيى انا بشوف انو مستحيل اتخيل حبيبى مع واحده تانيه بيبادلها الحب وبيدلعها وبيضحك معاها وبيشوف مفاتنهاوبياكل من ايديها وبيجيب منها اطفال كل ده فى الوقت اللى ببقى انا وحيده مستنياه يرجعلى من عندها بعد مايكون شبع منها
ازاى ده انت قادر تتخيل؟؟؟؟؟؟؟؟؟؟
يعنى لما زوجى يجى يقوللى انا بكرة اتزوج عليكى يعنى معناها انو بيقللى انا من بكرة هاخد منك نص وقتى ونص مشاعرى وكل حاجه هقسمها بينك وبين حبيبتى التانيه بعد ماكنت كلى ليكى لوحدك
والمفروض انى اتقبل الامر عادى ومزعلش؟
طيب ده يبقى طبيعى ؟
عارفه هتقللى ده شرع الله وحلال
هقللك انا فى رأيى انو حلال للراجل اوكى انما للزوجه بيكون اصعب ابتلاء ربنا ابتلاها بيه
وانا لو ربنا محلل حاجه ليا بس حاسه انى لو عملتها هجرح حبيب قلبى استحاله اعملها
وهو كفايه عليا من الدنيا
وبصراحه لو زوجى فكر لاقدر الله انو يتزوج عليا
مش هقدر احبه تانى لانى هعتبر ده طعنه فى مشاعرى