احبــه ... تكفون ساعدوني
لما كان عمري 18 سنه تزوجت بشاب من أسره معروفه جداً
ومع ان الشاب هذا كان معذبني بحياتي .. وماكان يحبني بس انا حبيته بجنون عشقته
ماكنت فيوم بتصور حياتي بدونه ... سخرت له كل شي قلبي وعقلي وروحي وكياني
صار كل كلامي فيه والله انو يصحيني بنص الليل يقولي جيبي مويه ماعمري خالفت امره....
وكان عيبه الكبير انه انسان شايف نفسه من فوووق الناس تحته ولاشي
عيشني بمعاناة وهو عارف ان حياتي ببيت اهلى كانت كلها مآسي
ومره كان جدا جدا مستهتر فيني على اني كنت احبه ومااعصي له كلمه
فقلت له اني مااقدر اعيش معاه عشان يصحى ....
تدرون ايش قالي.......
قالي خلاص حبيبتي اهم شي راحتك
صدمني صدمه جدا قويه كأنه جاب خنجر وحطه وسط قلبي
وليته سكت قام يسترسل ويعبر لي عن مدى احترامه لي لكنه ماقدر يفرط فيني لأني
احبه ........
وبعد مارحت بيت اهلي مكسوره مريضه طبعا اهلي بدل مايهدوني
يزنو على راسي انتي الغلطانه انتي انتي آه
وبعد ثلاث شهور اتصل على بيت اهلي بيرجعني .........
لكني كنت جدا مجروحه واعاني وليته حاول يرجعني بأسلوب أو على الأقل يعتذر
لا فقط قالي يالله جهزي اغراضك بمرك
بس كنت لحضتها مريضه واللي جرحني قاعد يتصل ويبيني ارجع بالقوه
فأنا رفضت وبشده
وعشان اهرب من حبه واحاول انساه تعجلت باقرب خطيب لي
طبعا كان شايب كبير في السن ... وبعد اقناع وضغط من اهلي وافقت عليه وانا مو مقتنعه
لكن مادريت ان هالانسان مصيبه
مشكلتي ماقدرت انسى زوجي الأول على كثر ماعذبني وعلى كثر ماجرحني الا اني مازلت احبه
ومازالت اعاني
ولما حاولت اطلب الطلاق من زوجي الثاني طبعا انا تملكت عليه بس مادخل علي
رفض قطعيا انه يطلقني
ولما كلمت امي قالت لي اذا تقدم احد لك هو بيخلصك منه ويعطيه فلوسه
بس انا مابي اظلم اي احد معاي انا مازال قلبي مع اللي جارحني
ملامحه مانسيتها عيونه ونظراته حتى مواقفه السيئه عجزت اذكرها
بس اتذكر طيبته ولين قلبه
تكفون علموني شأسوي اهلي ماعندهم تفاهم ..؟؟ ماقدر اصارحهم باللي بقلبي
مع العلم اني مازلت احفظ رقم جواله ورقم جوالي الجديد لسه ماحفضته
شورو علي شأسوي مابي انزل نفسي ..بس غصب علي احبه هالأنسان قدر يملك كياني
وابي طريقه اعرف فيها اذا هو متزوج والا لا؟؟؟
احبـــــه ياناس ساعدوني
ارجووووووووووكم عطوني الحل الله يوفقكم ويجعله في ميزان حسناتكم
اختكم
المجروحه
التعديل الأخير تم بواسطة قصة مأساه ; 17-04-2007 الساعة 08:09 AM