سبحان الله له في خلقه شؤؤن
انا عكسك اختي يعني عندي الرغبه وبزياده بعد وانا دايم في جهاد مع نفسي لاني متزوجه بس بالاسم وياليت واتمنى اني اكون مثلك وادعي ربي كل يوم وفي كل فرض انه تنعدم عندي هالناحيه والله وانا اقرا موضوعك اقول في نفسي ياليتني مثلها واحسدك على هالنعمه وهي انك ماعندك رغبه لان اللي اسمه زوجي هاجرني وعاجز جنسيا وشايب و انا اصغر منه بسنين وصار لنا على هالحال سنيين واقسم لك بالله اني حتى مااتذكر متى كانت اخر مره من طول المده بس هي بالسنوات
اختي احمدي ربك على النعمه التي انتي فيها واقصدهنا زوجك وبالعكس حاولي انك تكسبينه وانااقولها لك من قلب اخت جربت وشو معنى الحرمان الجنسي وقاست منه المرار والويل وحتى حالتي النفسيه تدهورت ومازلت اعاني ليومك نصيحتي لك نصيحة اخت لاختها وهي اشبعي زوجك بالحلال بدل ما يروح يشبع نفسه بالحرام وخاصه هالشي متوفر وبارخص الاثمان بعد وحتى في حالات بدون ثمن بس يبون يخربون بيوت الناس فلا تعطيين هالاشكال فرصه يبعدون زوجك عنك مهما كان زوجك يحبك وملاك الشيطان ما مات ترا لازم اخوفك وانصحك لاني ميته قهر منك وعليك
انا نادرا مااكتب رد على موضوع بس رديت عليك لاني ماقدرت ماارد واسمحي لي اذا كنت قاسيه عليك بس ترا كل الكلام اللي كتبته طالع من قلبي ولاحتي فكرت وش بقول ولا شلون بنسق الكلام بس والله انه لمصلحتك اختي لازم تشوفين لك حل والا ترا بينهدم بيتك لاسمح الله
الله يهنيك ويسعدك اختي ويسعد ويوفق كل الازواج المسلميين ويبعد عنهم طريق الحرام